جَرح الأيهم

"الجُــرح الثاني و أربعون"

- جَـرح الأيهم

لـ الكاتـِبه : أيــلان
حساب الانستا للتواصل : l.1ll8

*لا تنسى التصويت بـ نجمة "☆".
*التعليق بين الفقرات "✍︎︎" .

• قِـراءة مُمتعه ꨄ.
****************

هتان :-

دخلت لـ المطبخ الكل موجود
دحگت لـ نور دحگتلي مستغربه
طلعت بسرعه من يمهم رحت لـ الحمام
غسلت وجهي ، اخلي مي بـ عيوني
بس اريد يروح الاحمرار يلي بيهم

رفعت راسي دحگت لـ وجهي بـ المراية
عيوني بعدها حمر و وجهي احمر
لزمني صداع قوي ، استوعبت يلي حجيته

تمنيت لو منخرسه و نازله و لا حاجيه
ندمت ندم بـ حياتي ما متندمة هيج
فتحت الباب دحگت كدامي مُلاذ

مُلاذ : شصاير ؟

اتقدمت عليه صارت كدامي
لزمت اكتافي تهديني

هتان : ما اريد احد يشوف وجهي
ما اريدهم يعرفون انه بجيت رح يظلون يسألون

مُلاذ : تمام انا ما رح اسألج
تعالي ، تكعدين بـ الحديقة؟ محد يشوفج

هزيت راسي بـ قبول
لزمت ايدي ، مشينا لـ المطبخ
صارت سد الي عن كل الموجودين
فتحنا الباب و طلعنا ، كعدت على المرجوحه

مُلاذ : هسه اجيج

دخلت جوا ورا شويه رجعت الي
قدمت الي كاسة مي
اخذتها من ايدها شربت

كعدت يمي على المرجوحه
اتجتفت و ظليت كاعدة و صافنه
بلعت ريگي و حجيت

هتان : سويت شي كلش غلط
شي ابد ما جان لازم اسوي

مُلاذ : اذا تريدين احجي

هتان : اعترفت لـ شخص
ما جان لازم اعترف اله