جَرح الأيهم

"الجُــرح التاسع و خمسون"

- جَـرح الأيهم .

لـ الكاتـِبه : أيــلان
حساب الانستا للتواصل : l.1ll8
*حساب الأنستا محذوف مؤقتاً ♡︎.

*لا تنسى التصويت بـ نجمة "☆".
*التعليق بين الفقرات "✍︎︎" .

• قِـراءة مُمتعه ꨄ.

****************
"غُرباء ثُم أصدقاء ثُم أحاديث طَويلة
ثُم أحِبه ثُم أحاديث قَليله فـ عادوا غُرباء مِن جَديد"
-محمود درويش
****************

مُلاذ :-

الناس يعبرون من گدامي كل واحد بـ حياته
ما نعرف بـ شنو من ظروف مر و بـ شنو عاش
يمكن شخص منهم فرحان
و يمكن الثاني حزن الدنيا كلها شايله بـ گلبه

شنو الأسباب يلي خلتهم يسافرون
منهم يلي ممكن يكون موجود هنا لـ أجل صحته
و منهم يلي جاي سياحه أو جاي يستقر هنا
أو جاي حتى يرجع لـ دياره يلي تغرب منها
أنا لجئت لـ الغربه و تركت وطني
متمنيه ألگا الراحه الفاقدتها بـ هذي الغربة

قاطع تفكيري منظر بنية تركض
و الضحكه على وجهها
دحگت ولد أجا من الجهه المقابيلها يمشي
فاتح أيده الأيد الثانيه يسحب بيها جنطة السفر
أبتسمت أدحگلها لمن طفرت حاضنته
بنية واگفه تصورهم و همَ حاضنين بعض حيل

أنمحت أبتسامتي ، نزلت عيني منهم هادئه
أحاول أتناسى لمن سافرنا أنا و أيهم
بـ كل لحظة چان يحضنني بـ كل قوته
گلبي ظل يوجعني مسحت وجهي
أحس روحي أنحمست و أنا أتذكر