جَرح الأيهم

"الجُــرح الثالث و ثلاثون"

- جَـرح الأيهم .

لـ الكاتـِبه : أيــلان
حساب الانستا للتواصل : l.1ll8

*لا تنسى التصويت بـ نجمة +
التعليق بين الفقرات 🩶.

****************

نور:-

رفعت راسي و انا ابجي
دحگت دخلوا الشرطه يركضون
و اسكندر لازم بـ ابو اركان
ضرغام جر لالي من ايدها شمرها لـ اهلها
جتفوا ابو اركان ، نزلوه لـ الگاع

لالي اخذتها امها لـ حضنها
دحگتلها رگبتها مشخوطه و تنزف
رفعوا الشرطه ابو اركان من الگاع
جروه طلعوه من البيت

اجاني اسكندر يركض
ضمني لـ صدره هو و عزيز

دحگت لـ لالي يلي اهلها التموا عليها
رفعت ايدها خلتها على رگبتها
نزلتها دحگت لـ الدم و غمضت عيونها
اغمى عليها ، اعتلى صوت صراخ امها و اختها

ركضوا عليها شالوها طلعوها برا
لزمت بـ ايد اسكندر گوه وكفت

طلعوا امها و اختها وراها
صعدوها بـ سيارة ضرغام
امها صعدت لـ ورا هي و ليان
و اركان صعد بـ الصدر

گلت بـ صوت يرجف
ادحك لـ اسكندر و عزيز

نور : خل نروح وياهم

عزيز : انتظريني هنا
خل اجيب السويج و اجيج

اسكندر : وين تولين انتِ
شرطه و دنيا و هذا يروح يشرد منهم و ياذيج

نور : خطيه و الله يروحون وحدهم
خل اروح وياهم شفت حالهم

سكت اجا عزيز فتح السيارة
اسكندر : ربع ساعه و ترجعون