جَرح الأيهم

"الجُــرح الثاني و خمسون"

- جَـرح الأيهم .

لـ الكاتـِبه : أيــلان
حساب الانستا للتواصل : l.1ll8

*لا تنسى التصويت بـ نجمة "☆".
*التعليق بين الفقرات "✍︎︎" .

• قِـراءة مُمتعه ꨄ.

****************

مُلاذ :-

لزمت هتان ادحك بـ وجهها
شمرت السجينه من ايدها ، تختض بين ايديه

مُلاذ : هتان شسووويتي ؟
عورت روحها شسوت حاجنييي

كلهن مصدومات و واكفات يدحگن الي
رفعت عيني لـ هتان لـمن همست

هتان : دمه

احس عيوني رح تطلع من مكانها
خليت كفوف ايديه على محاجر عيوني
غلطت غلطت ما جان لازم اخليها تلتقي بي
نفسيتها مو زينه و انا خليتها تلتقي بي

شمرت جنطتي بـ الكاع
اخذت السجينه و رحت غسلتها بالمغسل
و ام أيهم اتخبلت ما فاهمه شنو الجاي يصير
ركضت اخذت خاولي كدامي نكعته مي
و اخذت ايد هتان مسحتها من الدم

ادحگلها ساكته و صافنه
و انا بس اريد اخفي دليل طعنها لـ اسكندر

مُلاذ : هتان دحگيلي هتااان

دكيت على خدها اريد اصحيها الي
دحگتلي ساكته و دموعها تنزل
سحبتها لـ الصاله ، كعدتها كعدت كدامها

مُلاذ : هتان هتان منين عرفتي هذا

ظلت تدحگلي ساكته

غاده : دازلها سلام و هاي كاتبتله منو
و بعدين متعرف عليها