مسك خط راجع للديرة وقلبـه خايف على جواد الصغير ويدعي في سِره انه ما صابه شي...
رفع يده وهو يميل عقاله ويثبت الشماغ ويرجع يمسك الدركسون وعينه على الطريق...
اتكى بيده على الدريشه وهو يفكر في الي صار الوكاد إن الـعنود حققت انتقامها وخذت حقها الي ياما وياما حذر فاهد وقال له اترك البنت تعوّد لأهلها قبل يصيبها او يصيبك شي كايد! .. مير فاهد ما استمع له ووقع الفأس في الرأس! ...
تنهد وهو يكمل طريقه وعينه ثابته على الطريق وتفكيره يجول مابين الي صار والي بيصير في المستقبل! .
__________
غيداء طلعت من الغرفه وهي تنزل للصاله تشوف الوضع وهل حصل شي جديد ناظرت الحريم نظره عامه شافتهم الأغلبيه لابسين اسود في اسود ضاق خلقها وجلست على وحده من الكنبات وهي تناظرهم كل وحده الحزن كاسي وجهها! ... وبالذات الشيخه فهده يدها على راسها بحزن ودموعها على خدها جالت بنظرها على الحريم كلهم تدور أم العنود بينهم لكنها ماهي موجوده رجعت نظرها لأم فاهد الشيخه فهده يوم سمعتها تدعي بحرقه: الله لا يردك يا العنود.. الله يحرق قلبك مثل ما احرقتي قلبي على ولدي.. الله يسلط عليك من لا يخاف الله ولا يرحمك، الله يبلاك ببلا ماله طب يالعنود اااااه يا قهر قلبي عليك يا شيخ فاهد ااااخ ياحرقة قلبي... الله يسلط عليك عيال الحرام ينهشون في لحمك
اقشعر جسـد غيداء من الدعاوي الي تسمعها من فهده وناظرت أمها الي تكلمت بضيق: لا تدعين وانا اختك ان شاء الله مافي ولدك إلا العافيه!.
فهده تضرب صدرها بحرقه: ذبحته وهو في عز شبابه والله ثم والله لو يصيب ولدي شي والله لطلعها من تحت التراب واقطعها بضروسي هي والي ساعدها بنت الحرام!..
وقفت غيداء برعب وطلعت بسرعه من البيت وهي تحس بكل خليـه فيها ترجف من توعد ام فاهد! ... وقفت في وسط الحـوش وهي تاخذ نفس عميق تهدي رجفتها صرخت برعب يوم سمعت صوت خلفها التفتت بخوف وشافت هادي الي واضح عليه الحزن: بسم الله!.. علامك تزمرين!؟
غيداء بلعت ريقها بخوف: كنت سرحانه وانت جيت وراي خفت!
هادي اومئ بضيق
غيداء بترقب: فيك شي؟
هادي بحزن: خايف على اخوي..
غيداء فركت يدها: شرايك نروح ورى البيت؟
هادي ناظرها شوي ثم نطق: شنوح؟
غيداء ضيقت عيونها تفهم الكلمه!
هادي زفر: ليه؟
غيداء ابتسمت: عشان تفضفض لي ما حنا صرنا بيست فرند !؟
هادي ناظرها برفعة حاجب
غيداء ابتسمت: يلا وش بتخسر!؟
هادي تنهد ومشى معاها وهو يتلفت لا احد ينتبه عليهم.
وصلوا لخلف البيت وجلست غيداء على وحده من الحجار المرميه خلف البيت وكانت متوسطة الحجم وهادي جلس على الأرض وهو ضام رجوله لصدره وعينه على اثار الشجر المحروقه!
غيداء سحبت خصله من شعرها وهي تلويها على اصبعها وتنتظره يتكلم بس ما سمعت له صوت فبادرت هي: ااا لقيتوا العنود؟
هادي ناظرها: لا من البارح يدورون عليها مالها اثر!
غيداء بتوتر: غريب والله يعني شلون كذا وين بتروح؟
هادي تنهد بتعب: مدري هذا الي مجننا دورناها حتى في القبايل الثانيه مالها أثر
غيداء: طيب يمكن انها للحين في الديره!.. لأنه مستحيل تختفي بذي السرعه
هادي ضيق عيونه وهو يفكر: صح والله.. انا شلون ما فكرت فيها!
غيداء ابتسمت: عشان تعرف ان الكلام معي فيه فايده!
هادي ناظرها بسرعه: بس شلون مستحيل احد من اهل الديره يتجرا يأويها عنده!
غيداء بتفكير: طيب يمكن انها متخبيه هي في أي مكان بعدين البنت ماخلصت اسبوعها الاول من الولاده زي العالم والبشر اكيد انها للحين تعبانه فما تقدر تركض بسرعه لو انها طلعت من الديره كان لقوها!..
اكيد انها للحين في الديره!
هز راسها بالموافقه: اي والله انك صادقه اكيد انها للحين موجوده بهاه ولا شلون كذا ما لها أثر!
غيداء بتفكير: هادي!
ناظرها ينتظرها تكمل
غيداء بحماس: اش رايك ندور عليها حنّا.
هادي: وين ندور عليها حنا انهبلتي انتي؟ اكيد بنعلم رجال الشيخ وهم يدورون عليها!
غيداء نزلت عنده على الأرض وقالت: هادي لا تستهبل والله ان مايلاقونها اذا شافتهم كثار ما بتطلع لكن إذا طلعت انا وياك بهدوء وبدون ما تحس علينا اكيد بنلاقيها..
هادي عقد حواجبه بتفكير: صادقه!
غيداء ابتسمت: اكيد صادقه انت بس امشي وراي والله ان عندي خطط بتكشف كل شي!
هادي هز راسه: مير اتوقع انـ..
غيداء بمقاطعه ضربته على كتفه: لا تتوقع شي خلنا ندور عليها
هادي ضيق عيونه وهو يفكر ثم ناظرها وقال: تم.. قدام
ضحكت غيداء بحماس: يسسسس!!
ابتسم لحركتها
غيداء: اممم اسمع اول شي لازم نرسم لنا خطه!
هادي تربع بجلسته : خطة وش؟
غيداء: انتو عندكم مزارع صح؟
هادي:صحيح في اطراف الديره مير لا تتعبين عمرك قد انهجوا هناك ماشافوها!
غيداء: ي ذكي اكيد بتنخش هنا ولا هِنا يوم تسمع ضجتهم..
هادي اومئ
غيداء: عشان كذا حندور عليها بين البيت او شي بعدين بنروح للمزارع ذي وندور عليا هناك!
هادي: قـدام..
غيداء: اطلع انت الاول وانتظرني على باب البيت من برا عشان ما ينتبهون اننا سوا..
هادي وقف ونفض ثوبه: زين انا طالع..
غيداء: اوك..
أنت تقرأ
ولا زلت في حبل الغرام اتجوّد!.
General Fictionرواية ولا زلت في حبل الغرام اتجوّد!.. للكاتبة /الرنيد✍🏼
