ترجع احداثنا للزمن القديم الجميل تحديداً في حايل :
شرقت شمس يوم جديد وفاحت ريحة القهوه السعوديه
دخل المطبخ وشعره الاسود مبعثر وشماغه محاوط عنقه وبيده اكياس ويدندن بصوته العذب؛ارسل سلامي مع نسيم الصباح ل الصاحب اللي صار وصله صعيب
ضحكت بعلو صوتها : حي ذا الصوت وصاحبوه
ابتسم مطلق :الله يحيتس ي فرحة اخوتس
شموخ:ايه ايه الله عليتس ي فرح صرتي فرحتن لوه
فرح:يبختي دامني فرحتن ل مطيلق
مطلق:حسبي عليتس والاسم
دخلت ام مطلق:روح ل ابوك بدال كثر الحتسي
حب راس امه وطلع متجه ل دكة اللي يتجمعون فيها جده وعمانها :عزيززز
عبدالعزيز :وين غديت
حاوط كتفه:رحت يم البيت وديت لهن اغراض
عبدالعزيز :اروج علينا ابوي بيطنى علينا
مطلق:الله يهديه اربع وعشرين ساعه مبرطم
مشو متجهين ل الدكه ضرب عكازه ب الارض اول ماشاف عبدالعزيز لكن ارتخت ملامحه اول ماشاف مطلق وراه
عقاب :وش بوه ليش تاخرتو
تقدم مطلق يحب راسه:والله ي جد كان محتاجين كم شغله وديتها لهم
عقاب:زين زين
سليمان:شفت عبدالملك بوه عنده ناس
عقاب بحده:وش عليك منه
مطلق غمض عيونه ب اسى خايف ع مستقبله المجهول مع جود
في بيت عبدالرحمن:
فرح:حي الله القاطعه
ليال:شف شف ترمي الوم علي
ابتهاج:لا تلومينها وراها جيش
شيخه :تسمعون الصوت
فرح :اي امشو نشوف من السطح
طلعو ع سطح وشاف المنظر اللطيف :
مطلق:عزيززز
عبدالعزيز:عيونه
مطلق رمى عليه الحجر ومشى صرخ عبدالعزيز بحده:حرام ان اسلمتك
مطلق رفع ثوبه وضحك ضحكه عذبه :ماترضى علي
عبدالعزيز :تسلب
مطلق حاوط كتفه :ارفع علومك
عبدالعزيز:اتركن
مطلق: لا يالرفيق الوافي للمزيون افااا ي العضيد اتركك
عبدالعزيز:انشهد انك مزيون
مطلق كان بيتكلم لكن ابتسم ابتسامه عريضه من شافها طالعه من بيتهم
عبدالعزيز :ي الغلا بشويش ع فكك
مطلق ضحك بصوت عالي :ماهقيت ان البراقع يفتنني
