تركي:مطيلق من راح عنك ما يلحقه غير ظله
جاءهم محمد من سمع الصوت :افااا يبن عمي وش صاير
وقف مطلق وسحب شماغه يتعصب فيه ع شعر راسه وقف صامد وكان شيئاً لم يكن:امشو امشو نسلخ الذبايح
عم الصمت ومشو وراه بهدوء لانهم يعرفون قوة مطلق وشخصيته
خالد بهمس لخالد:شفيه ذا مريض
محمد بحده؛خل عنك حتسي الحريم واسترجل
خالد بحده:دز امها ختمت المراجل
احتقره محمد ومشى تجاه السوق يدور عمال
في بيت عبدالرحمن :
ام مطلق:ال صالح معزومين عندنا
شهقت فرح:يمه وش بلاتسسس توتس تنطقين
ام مطلق بحده:وجع ي الثوره قمي انا واوخيتس ترتبن
شموخ:يمه توي جلستتتت
شيخه:يمه هياف مو مخليتني
الجادل ابتسمت:انا قضيت بساعدتس
فرح:يلومونييييس طيب احبتس
ضحكت الجادل:ماتحبين الا اللي يحبتس
فرح:بتفتح قسم الرجال اللي تحت من زمان ما انفتح
الجادل:غريبه
فرح:حق الضيوف الواجد
الجادل ضحكت:يحلوتس حبيتس
فرح:انا عشقتس مو بس حبيتس
رفعت الجادل قميصها ورفعت شعرها المنسدل ب مشبك شعر وبانت لنا شامة نحرها وشامة عظمة الرقبه
ابتسمت فرح:مكان الشامات حلو
الجادل مررت يدها ع نحرها:احب شاماتي تميزني عن غيري
فرح ضحكت :خلينا نكنس
الجادل :تمام انتي اكنسي هناك وانا بمسح هنا
فرح:يلبى جعلني فداتس يالسنعه
عند العيال:
مطلق:اسمعوني انا بطب وامسك لنا ثلاثه
تركي:اولههه ثلاثه ل وش
عبدالعزيز:مايحتاج تركي وعلي موجودين
سحب تركي الحجر ورفع ثوبه يلحق عبدالعزيز :تشبهنييي ب البهيمه
مطلق ركض ونسى شبك الغنم مفتوح:ورعاننن بس انت وياههه
علي صرخ:الغنممممم
مطلق فتح عيونه بصدمه وركض يقفل الشبك:ولعنهههه انت وياه والله مايطب الا انتو او راح الغنم اكلنا تبن
تركي:افوههه يلعنك ي عزيز
عبدالعزيز:ياخي
مطلق بحده :ولا كلمه وانطم
