صقر التفت يناظره بصدمه:فال الله ولا فالك!!!
ضحك ماجد:احمد ربك ان احد عطاك وجه على ذا الوجه
صقر:هالله الله والوجه انت وراسك الكبير
ماجد:لا تعيب وانت ذا وجهك
التفت مطلق يناظر صقر:لا لا بسم الله عليه صقير جميل!
صقر:ووسيم وشخصيه قويه وجباره
ناظره هادي بملل:واثق بزياده انت؟
صقر:انت كيف عايش؟؟
ماجد طلع الفصفص من جيبه:اشوف حياته ممله بزياده
مطلق:وانت ماغير تبلع بذا الحب؟؟
ماجد:حب ولا عشق
خالد تنهد بقرف من الحر:انت معاشر علي وخلف واجد؟؟
نزل مطلق شماغه على كتفه ونطق:وين حميد؟
هادي:من يوم ما وافقتو عليه وهو عايش عند عمي عبدالرحمن
مطلق:مسكين خله مبسوط
طب تركي يحاوط كتف ماجد:شسالفه؟؟؟
مطلق:وين كنت يا الصايع ؟؟
تركي:كنت عند ابوي اعلمه يشخصنها مع محمد بس شكله يحبها
طلع ماجد حب زياده:لو اني مكان محمد انحشت
رفع صقر حاجبه :عاجبكم الوضع تحت القوايل؟؟
ماجد:اي بالله عاجبني وناقصني شاهي
ضحك صقر بصدمه يشوف ماجد وتركي ومطلق واقفين تحت الشمس ومستمتعين بزياده التفت لخالد:تمشي معي ذولا ماعندهم عقل
التفت خالد يناظر حوله :وهادي
تعالت ضحكات مطلق:هادي بعالم موازي بس يطلع وقت الصلاه ويختفي
ماجد:اسم بعض احيان انه اخوي
سحب تركي الفصفص من جيب ماجد:حتى انا ما احس
مطلق:اقول عطني فصفص!!
ماجد رفع حاجبه:توك ناقد؟ بعدين اغار على الفصفص
مطلق:الله يشفيك اعطني لا اهفك تراني بصير اب
ماجد:واذا بتصير ابوي؟؟
تركي :حتى انا. اتفق مع ماجد
التفت ماجد يناظر تركي:لا يكون بموت ؟ تركي راضي علي
تركي بسخريه:حسيت اليوم اني حبيتك
ماجد :الله يحميني ويحرمني من حبك
تركي:احمد ربك اني احبك غيرك يتمنى نظره مني
مطلق:الله والعيون ياشيخ تقل عيون قطو
تركي ناظره :تراني اشبهك انطم
مطلق:الشكوى لله ارجع البيت ابرك لي من مقابلة وجهيكم الخايسه
