بعد المغرب في عبدالله:
التفت ام محمد:كم قد عزمنا ل الحين؟
ابو محمد:يمكن ثلاثميه شخص من جهة اهلتس
ام محمد:زين خلاص نكتفي ولا؟
الجادل فتحت عيونها بصدمه: ثلاثميه!!وشو له؟؟
محمد بسخريه:ماتعرفين اقارب امي يموتون علينا وتسذا لازم يحضرون
رفعت ام محمد يده تضرب كتف محمد:تطقطق على اهلي
محمد:لا لا محشومين
ام محمد:لو وافقتي على ولد اختي فيصل يزينه
الجادل بصدمه:تقارنين فيصل الهطف بمطلق !! فرق شاسع بسم الله عليه
ضحك خلف:والله في ذي صادقه
خالد:لحظه ليكون عزمتوه؟؟
ام محمد:اي وازيدك من الشعر بيت بكرا بيوصلون
خلف:وشهو!! يالليل !!
ابو محمد:الا بالله اني فرحان
عقدت حاجبها الجادل ونطقت بسخريه:فرحان بفيصل واهله؟؟
ابو محمد:لا ابي ذاك الخكري يقول شي قدام مطيلق عشان يجلده
ام محمد:اسمك ولد اخوك لا يتهاوش معه لان فيصل اذا عصب عصب
انفجرت الجادل تضحك:امي منجدتس؟؟
خلف كتم ضحكته:اي شفيتس انتي ترا فيصل شديد
خالد:خكري اوه ما انسى يوم جاء عندي انا احب الجادل وباخذها غصب
الجادل بقرف:يع يع ليته حب وطن
وطن:انا شدخلني يزيني كذا عاد خليف تكفى قول السالفه لمطلق عشان نضحك
خلف:عشان يصير عزا
محمد:فال الله ولا فالك بس صدز لو يدري فيصل بيلقم
خالد:اذا صارت الهوشه نسحب مطلق ونوديه عند اختنا
الجادل بجديه:هيه صدز من منجدي لا يدري!!
محمد:عاد الحمدلله فسختي الخطوبه
الجادل:يع يع تذكرين يوم جيتس ياوطن بعد الشوفه
وطن:وجهتس مقلوب وكارهته!!
ضحك خالد:وانا كنت مستقعد له انا من جهه ومحمد من جهه
الجادل:يع نظراته مقرفه
عض شفته محمد:من ذاك اليوم اختفى لو يطيح بيدي بعدها العن شكله
الجادل:عن خاطري طق عيونه
ضحكت وطن:ما اتخيل الجادل وفيصل مع بعض
الجادل:يع يع يع الله يقرفتس لا تحطين اسمي معها في جمله
ام محمد:شفيه يزينه بس ذاك مدري شمسوي لتس
الجادل:امي منجدتس تقارنين مطلقي بفيصل حقتس الخايس
