عصر اخر يوم رمضان اخر يوم في الشهر العظيم كان الفطور هالمره في بيت الجد بمناسبة رجوع مطلق
مطلق:تروكككك
تركي:نعمم
مطلق:ابي فيمتو قول لهم
تركي :شدخلني انت قول
مطلق:يرجال روح قول لهم
تركي:الشكوى لله ،فرححح
فرح:لبيه
تركي :مطيلق يبي فيمتو
فرح رجعت جديلتها:قولها لو يبي عيوني حاضررر
تركي احتقرها:لو انا قلتي انقلع
ضحكت فرح ومشى تركي ونطقت ام مطلق:وش بلاتس تضحكين
فرح:ولا شي تروحي يقول مطيلق يبي فيمتو
ام مطلق ابتسمت :يستاهل البدوي اي شي يبيه جهزوه
شموخ:يعيني ع الدلع يعينييي
ام مطلق:يلا يلا قضيتو
الجادل ابتسمت بتعب:اي قضينا
ام مطلق:وش فيتس
الجادل:ولا شي ي عمه
ام محمد احتقرت الجادل:اكيد تعب الصيام
وطن همست:يمه ماله داعي
ام مطلق سكتت وهو مو عاجبها اسلوب ام محمد
فرح:دام خلصنا وش نسوي
شموخ:استغفري ربتس
الجادل :متى يبدا العيد
شموخ:بعد الكرف
شيخه:بعد الفجر ع طول
الجادل:الله الله الاجواء الحلوه
ابتهاج:مرههه من بعد تسعه خلاص كل واحد يروح بيته
ليال:نتجمع
شيخه:اتفق ونتجهز سوى
الجادل ضربت صدرها:عندنا افضل شي
شيخه:اتفق هدوءءء
ام مطلق:الله يزين كشختنا طيب وكحل
ام هادي :طرب جديده
الجادل:لازممم وهذا عيد اكيددد
شيخه:والله تم ع عشره كل وحده تجمع عفشها وتروح لبيت عمي عبدالله
الجادل:وانا بجهز الشاهي والعود
شموخ:حي عينه حرم اخوي
الجادل:ليش هو باقي يتذكر انه متزوج
سكتو الكل من كلام الجادل وقامت شيخه تصرف الموضوع:شسمه باقي كم دقيقه خلونا نجهز
قامو البنات كلهم يجهزون وهم يصرفون الموضوع
عند العيال:
مطلق:اوف الاذان هنا يتاخر
عقاب:ارحمنا ي ولد نجد العذيه
