بداية يوم جديد حافل بالاحداث والتجهيزات لعرس مطلق&الجادل الي مابقى عليه غير ثلاث ايام :
في نجد العذيه تحديداً بيت العم سلمان ابو صقر:
ابتسمت غرام من حالة اخوها الي بدت تتحسن وشال فكرة انه ينهي حياته من باله تقدمت تحضنه من الخلف:كيف حال الحلو اليوم؟؟؟
ابتسم بخفه يلفت يقبل راسها:بخير ياعين اخوتس
غرام:وش تفكر فيه شفتك صافن؟
صقر غمض عيونه بتعب:مطلق بوه غيره؟
غرام:ليش ماتروح له فترة منها تحضر الزواج ومنها ترتاح كم اسبوع
صقر عقد حاجبه رغم اعجابه بالفكره:لا شلون اتركم؟
دخل العم سلمان وعصاته قدامه:بتروح زي ما قالت اختك وتعتذر من صاحبك
صقر:بس!!
قاطعه العم سلمان:مافي بس ذا اخوك ورفيق دربك بتروح له وبتحضر وترتاح لك شهر وبعدها بترجع تاخذنا ونستقر بحايل
صقر:بس قلبي يحس بخذلان
العم سلمان:وانا ابوك الحياه بتمشي ومابتوقف على احد الي ترك وكان سبب انهيارك ادعس على قلبك وانساه لا تكون ضحية حب الحب جميل ومايوه اجمل منه لكن وش تبي بشخص اتعب قلبك واتعبك الحب جميل مع الشخص الصح وانت باقي مالقيته ربي بيعوضك ب انسانه تشوف حلاوة العمر معها
ابتسم صقر بامتنان لمواساة ابوه له لكن تنهد لان قلبه لازال يدق ل ابتهاج رغم انه دعس على قلبه باخر لقاء بينهم لكن لازال عاشق لها قلبه مارضى ينساها رغم انها نسته ولا سالت عنه ابد
فز من نطق ابوه: ترى الدنيا مهود وسهود
ابتسم صقر يكتم الحزن الي داخله وضحك ابوه :تناسى كل شي مركون بخاطرك وتقهوى
ضحك صقر من ضحكت ابوه مد يده يرفع فنجاله وفعلاً يستلذ بطعم القهوه السعوديه هو وهواجيسه
في حايل تحديداً قصور ال حايل الي تضج بالاصوات والصراخ والتعديلات:
مطلق بصراخ:خلف يمين بالله اصفقك اركد
خلف بعبط:تعال احضني اشتقت لك
مطلق:خليف ترا بتتصفق!!
ضحك محمد بعلو صوته:مطلق الله يعينك تحمل عشان عيال الحاله بيجون
مطلق:عم عبدالله الله يعينك على ذا القرد الي جايبه
ابو محمد؛والله اني ندمت اني اعرست
مطلق نطق بسرعه:لو جبت الجادل وسحبت على الباقي
فتح عقاب عيونه بصدمه:وغد اثقل !!
مطلق بعثر شعره بتعب:تعبت انا منكم بروح اطيح من فوق البيت
ضحك علي:لا تكفى مقدر بدونك حبيبي!!
