صرخ مطلق بصوت كان كافي يهز حايل:علييي صحصح لا تكسر ظهري وانا اخوك عليي تكفى عليي بسرعهه جيبو السياره لا يروح من بين يدنا!!!!!
طاح حامد على رجوله يرفع يدينه باستسلام بضنه ام علي فارق الحياه ونطق:اخذت حقي ولو بعد سنين
التفت خلف والصدمه واضحه على ملامحه ودموعه تنزل هز صقر راسه بالنفي من وضعهم وتوجه ركض لسياره لان لو طولو يحلف ان علي بيودع
طاح مطلق وطاح راس علي لحضنه انحنى يقبل جبينه وهو يسمعه يتنفس ببطئ ونطق:لا تكسر ظهري فيك لا تكسر ظهري فيك لا تخليني اذوق مر الفقد مرتين
ارتجف تركي بكل خليه بجسمه من المنظر المرعب الي امامه ودموعه وكانو في حاله يرثى لها غير ابو مطلق تقدم وانحنى يهمس في اذن علي:وانا ابوك خابرك احب النوم لكن ذي المره تكفى طلبتك لا تترك ابوك وتنام عيونك للابد كان بيكمل كلامه لكن سند راسه يبكي على صدر علي الي كان ينازع وبالقوه متحمل الالم
وصل صقر بالسياره ونطق:بسرعه صحصحو وساعدوني فيه!!
رجع خلف لواقعه وتقدم يبعد ابو مطلق ويسحبون مطلق الي رافض يترك علي وبالقوه ابعدهم وصرخ صرخه توعيهم:ساعدوني فيه لا يروح من بين يدينا!!!!
تقدم هادي وبمساعدة صقر وخلف شالوه لسياره وانطلقو بدون الباقي لان في الاصل ما كانو في وعيهم ابد بعد الي شافوه لكن سرعان ما ارتفعت انظارهم لسيارة الشرطه الي تقدمت نحو حامد الي ماكان منه ردة فعل غير ابتسامه تعلن انتصاره نطق مطلق بغضب :حامد!!
انفعل تركي وركض يبي يمسكه لكن سرعان ما وقفوه رجال الشرطه :وصلنا البلاغ والباقي علينا
تقدم عقاب بكل برود يسحب تركي:بدال ذا كله رح اوقف مع اخوك بالمستشفى
التفت تركي بصدمه:قسماً بمن احل القسم لو يمس علي ضر ان تندم يا عقيب
مشى تركي بغضب وهو ادرك اهل السوق بلغو على حامد لكن قلبه مع علي ومع مطلق وابوه الي لا زالو مكانهم صرخ بعبدالعزيز بغضب :ود ابوي البيت والحقوني المستشفى
محمد سحب تركي :رجلي على رجلك
تجاهله تركي وتقدم يركب سيارته ويمشي بسرعه وهو تاركهم كلهم وراه وهمه علي لان لو جلس دقيقه بيثور فيهم
عند عبدالعزيز الي انحنى لمطلق الي يناظر بفراغ:امشي معي المستشفى ؟؟
التفت مطلق ورفع يده لعبدالعزيز ونطق:اسندي رجولي ما تشيليني
انحنى عبدالعزيز يرفع مطلق ومشى متوجه لسيارته يلحقون تركي اما الباقي رفعو عمهم لان وش بيفيدون فيه لو تجمعو كلهم في المستشفى
في ساحة القصور مشو بعمهم الي كان تايه وعيونه انطفت لمعتها من شاف اخر عناقيد عياله وسنده غارق بدمه امامه دق محمد الباب ونطق :افتحو الباب وابعدو عن الطريق!
