طلعت تركض لصاله:سلام عليكم
ضحك ابو محمد:وعليكم السلام بس وشوله الركض!!
ام محمد:وابوتس صادز لا تكونين حامل وتطيح ورعتس!!
ضحك الجادل بعلو صوتها:يا يمه عليتس ربط مواضيع غريبه!!
ابو محمد:نعم لبيه وش بغيتي؟؟
ميلت شفتها ورفعت شعرها:ودي اقص؟؟
ام محمد بحده:وشهو!!! لا شعرتس زين !!
ابتسم ابو محمد:قومي وريني طوله وانا بحكم!
وقفت تخلل يدينها بشعرها ذكر ابو محمد ربه:ماشاءالله تبارك الرحمن يابنيتي شعرتس زين مابوه شي ليش ودتس تقصين ؟
الجادل:يبه كله نفس الطول طفشت ابي اغير!!
ابو محمد :انا موافق لكن مطلق بكوش شوره !
ابتسمت الجادل وهي عارفه ومتاكده انه يعشق كل تفصيله فيها حتى شعرها يعشق سواده لكن نطقت بتكذب:شوره من شوري!!
ابو محمد تنهد ونطق:والله ماودي تقصينه!!
ابتسم بخفه ووقفت تطلع لغرفتها :وافقوو
وطن:تسذوب شلون؟؟؟
الجادل؛مدري مدري بس وافقوو!!
وطن:متى بتقصين؟؟؟
الجادل:بعد العيد بقصه طفشت منه نفس الطول !
غمزت لها وطن بعبط:وحبيب القلب راضي؟؟؟
شتت الجادل نظرها:كيفي بعدين شدخله!!
وطن:اي اي صح يلا يلا اخليتس ترتاحين!!
طلعت وطن والتفت الجادل للمرايا تنثر شعرها وتتامله:بالله مو حرام اقصه !! لكن عادي فدا سحبت نفسها ترتمي على السرير وتمنع مطلق لا يدخل تفكيرها
——
يوم عرفه بدون اي حدث يذكر تحديداً حايل كان الكل بلى استثناء متجمعين حول السفره بانتظار اذان المغرب قاطع صمتهم صوت الاذان وتعالت اصوات الادعيه نطق ماجد:من سوى الشربه لذيذه!!!
محمد:امي سوتها بعدين اكل بشويش شبلاك؟؟
خالد:تشوف شفط ابو ام السفره!!
تنهد عقاب:اتركو هالسوالف دام شبعتو وقومو صلو وبعدها بقسم عليكم الاشغال الي تنجزونها بكرا العيد
تنهد هادي:الحين بيكرفنا كرف مب صاحي!!
عبدالعزيز :قومو نصلي ابرك !!
توجهو العيال للمسجد وبعد دقايق طلعو لركض للبيت قبل ماينفجر عليهم عقاب ركض هادي :تاخرنا!!؟؟؟
عقاب بحده:كان نمتو!!؟
محمد:يا جد شبلاك مشخصها كنا نعبد ربنا!!
عقاب:الذبايح يروح يجيبها هادي ومعه ماجد وعبدالعزيز ومحمد شوفو طلبات البنات وخالد ابيك اقعد!!!
