بعد مرور اسبوعين في بيت عبدالرحمن كانت التجهيزات شاغله الكل بالقصور بعد موافقه شموخ للملكه الي بعد يومين وكانو هالمره كل عيال عبدالرحمن متجمعين في بيته بطلب من شموخ ان كل اخوانها يكونون حولها اثناء تجهيزاتها لـ ملكتها
~
بيت صقر كان صقر الى الان مايقدر يتحرك زين وحوله غرام الي تدور حوله وتوريه ملابسها :صقر شوف ملابسي؟؟؟
تنهد صقر:يابنتي انا وش يعرفني بـ الي ملابس الحريم
ناظرته بقهر:ماعندي الا انت!! عشان ملكتك الي بعد يومين
صقر:ادري انه لملكتي بس وش شايفتني بنت على غفله؟؟
صرخت غرام :بسرعه اختار كحلي ولا بنفسجي؟؟
ابتسم صقر بخفه:خليه بنفسجي يلوق عليتس اللون!!
رفعت نظرها للفستان تناظره :ما كانه الكحلي احلى!؟
هز راسه بالنفي لانه من بعد ما شاف اللون الكحلي على شموخ مايبي يشوفه على غيرها:لا لا البنفسجي صدقيني!
رفعت غرام حاجبها بـ استغراب:مو على اساس ماتفهم؟؟
ضحك صقر بعلو صوته:علاقات سابقه
كتمت غرام ضحكتها:خل العلاقات شكلك بـ الجبس وانت عريس ولاغلطه!!!
تنهد صقر:اضحكي اضحكي !!
ضحكت بخفه وتقدمت تحضنه :طيب احبك يـ افضل اخ!
شد عليه بيده اليمنى:وانا احبتس
ابتعدت عنه تناظره:ماشاءالله كسرت ظهري وهي يد وحده!!
ضحك بعلو صوته وسحب المخده يرميها فيها وهو فعلاً مصدوم كيف بيعرس وهو بهالحاله لكن اهم شي ان شموخ تكون حلاله اليوم قبل بكرا
,
,
بيت عبدالله ميلت الجادل شفتها بملل:حمودي قم ارقص
التفت محمد يناظرها بصدمه:ارقص؟ لا يا شيخه
ضحكت وطن بعلو صوتها:جوجو ياروحي شبلاتس؟؟
الجادل:طفش نبي فعاليات!!
ضحك محمد بصدمه:وتبيني انا اكون فعاليتكم؟؟
رجعت شعرها خلف اذنها ونطقت:طبعاً مافي غيرك!
محمد ؛يلا هانت ويومين وتنقلعين بيت رجلتس وافتك منتس
رفعت نظرها الجادل:من قال برجع؟؟
ابتسمت وطن:زعلانه منه بدون سبب انا تعبت بداله
محمد:الله يسامحنا عطينا الرجال وحده مب صاحيه !
ضحكت وطن:ذاك الثور ذايب فيها
تنهدت الجادل:بطني بدا يبان؟؟
انحنى محمد لبطنها:ورع قول خالي محمد كفو!!
تعالت ضحكتهم من هبدته الجادل:بنتي لا تقتل انوثتها!!
بيت عبدالرحمن تعالت صرخات شموخ:لا تحاول وماراح اوريك!!
