اذن الفجر ع ديار حايل يعلن بداية يوم جديد يوم حافل اليوم منتظر اليوم الي تنكتب فيه الليل حرم ل النجم
في بيت الجد تحديداً مجلس الرجال عند العيال دخل عقاب وضرب بعكازه :قومو قامت قيامتكم
فز خلف يسحب شعر مطلق :سلامُ قول من ربٍ رحيم
صرخ مطلق ب الم:الله ياخذك ي خليف!!!
عقاب بحده:عشر دقايق والقاكم قدامي في المجلس الرئيسي
خلف رمى نفسه ع فراشه من جديد وصرخ بعلو صوته:الله ياخذك ي تركي حتى اذا جيت تعرس تبلشنا معك
سحب مطلق المخده ورماها ع تركي:بعير راقددد قم قم ي النجم
خالد:ياربي صبرك قم لا احول لقبك ل واقع
جلس مطلق يبعثر شعره وغمض عيونه وتنهد ونطق بهمس:اليوم اصبح بوجه خليف وامس بوجه خلي
محمد:ي حمار قم مغمض عيونك وتتمتم تقل ساحر قم
فزر العيال من صرخ عقاب:ويمين بالله لو ماتحضرون عندي ان اجيكم
سحب علي المنشفه يحطها ع كتفه:حشى طابور صباحي
ارجع ماجد ل هادي :تعالو ساعدوني
ركض خلف ونطق:اوريكم حركة الدكتور خالد
ضحك خالد :لا لا ذي يبي لها خويلد بحد ذاته
التفت مطلق بملل وانحنى ل اذن هادي:هادي
فز هادي برعب وصفق ماجد كف :انا شدخلني ي حمار
تركي فتح عيونه بقوه:اش صاير مينن مات؟
مطلق :محد مات بس انت بتموت ع يدي قم قم ورانا اشغال ي ثور
قام تركي متوجه ل الحمام "اكرم القارى"وقف قدام المرايا بالضبط يناظر شكله يحاول يستوعب انه يتزوج يحاول يستوعب فكرة انه الشاب الي طول حياته يكره الحب والزواج واليوم بيتزوج ومن انسانه كان اخوه يحبها وفي يوم وليله شغلت باله وتفكيره كان انسان يغار ع اهله صار يغار عليه من عيون الناظرين تاه يحاول يكتشف حب او مجرد اعجاب وينتهي صد يغسل وجهه ويطرد افكاره
عند البنات في بيت عبدالله:
كانت الجادل جالسه مع امها وعماتها تحط لهم حناء:مدري كيف تحبونه!
ام مطلق؛مافي ازين من الحناء ي بنيتي
ام محمد:زين الاولي شعرفتس؟
ضحكت الجادل والتفت لوطن:ي بنت شصار ع مريم؟
وطن:من بعد ماطلعتها من بيت جدي امس وهي منثبره في المقلط مسويه حزينه
ضحكت فرح بعلو صوتها:يعمري باقي حاطه مالها في تروك
شموخ:ماعندها كرامه تذبح!!
شيخه:صامله ع حبها الخايس
الجادل:الله يستر الهدوء الي احنا فيه لا يصير اعصار
