وهما يتكلمو قاطع كلتمه اخو عزام..
وهو يقول : يلا وقت العشاء..
عزام وليث : طيب الحين جايين.
ليث : قال ماكان يحتاج ليش تعبتو نفسكم ؟
العيال : لا عادي لا تعب ولا شي كم ليث عندنا.
اكلنا..وبعد الاكل قام ليث وقال : استأذنكم انا رايح.
الشباب : اقعد تو الناس.
لا تأخر الوقت،من متى وانا عندكم.
عزام : دامك مصر خلاص مع السلامه.
ليث سلم على العيال وقال لعزام : ان شاء الله نتقابل خلال يومين.
رد عليه عزام وهو يصافحه : ان شاء الله.
وبعدها ليث راح والعيال الي طلع بره والي راح غرفته.
عزام راح غرفته واول ماشاف السرير رمى نفسه عليه بثقل جلس يفكر بالموضوع شوي ويحاول يخمن ايش كانت بتقول صديقة البنت بس لأنه كان مره تعبان طرد الافكار من راسه ونام..
بعد نومه عميقه صحى عزام على صوت اخته ايمان وهي تناديه للغداء.
غسل وجهه ونزل تحت كانو طابخين مندي اكله بكل لذه.
بعد ما اكل قرر يخرج بره..
تروش،واتعطر،ولبس بلوزه بيضاء رسمية و وبنطلون بيج الي ما تعرفونه عن عزام انه يحب ستايل الold money .
عزام ما كان عارف سبب طلعته بالأساس ممكن بسبب الزحمه اخر الايام يحتاج وقت لحاله،بالبداية مر على ستاربكس الي على
طريقه واخذ له قهوه سوداء وكوكيز ومشي بالسياره لحد ما وصل لمكان هادي ومرتفع
شوي وتقريبا خالي من البشر طلع من السياره وقعد على الكرسي " الكرسي الوحيد الموجود في مكان زي كذا !!
هذا يعتبر مكانه المفضل او ملجأه كما يقولون.
شرب قهوته وقعد شوي لحاله رتب افكاره و روق..
بعدها رجع وجاب لأخواته كوفي وهو راجع وصل البيت واعطى كوفي لأخته امجاد شكرته وقالت انه اطلق اخ وراحت اعطته للبنات اصايل وايمان وانبسطو ♡
قعد في البيت وبعد المغرب راح النادي ورجع على العشاء نزل تحت لقي اخوانه جالسين يلعبو سوني وراح وقعد يلعب معهم.
عامر : انا ما اعرف سر حبك العظيم لريال مدريد كل مره تختاره ؟؟
عزام : مايبغالها لأنه لعيبببب.
عمر : عزام يفهم.
عامر : اسكت يا الزر محد طلب رايك.
عمر : ماغيرك البرز ترا ما بيننا الا كم سنه.
قصي : خلاص انت وياه اللعبو زي البشر..
وبرشوله طلق فريق وتباً لمن يعترض.
العيال قاعدين يضحكو ههههههههههههههههههههههههههههههههههههههههههه
هههههههههههههههههههههههههه.
قصي خلاص وقفو ضحك يا سامجين.
عامر وعمر : حسبناك معصب هههههههههههههههههههههههههههههههههههههههههههههههههههههههههههه.
...
بعد شوي كذا حسو انهم جيعانين فاطلبو لنفسهم اكل قعدو يتشاورو الين ما قرارو يطلبو بيتزا طلبو اثنين وحده بالخضار وحده بدجاج وصلصة الرانش الحاره وببسي واكلو وقعدو يضحكو ويلعبو الى الساعه ١ الليل و كذا انتهت الليله الحلوه وكل واحد راح غرفته.
عزام كان مبسوط قعد على الجوال شوي وبعدها نام...
صحي على الفجر وتوضى وراح المسجد ولما رجع لقى العيال جايبين فطور ونادوه يجي يفطر معهم وراح فطر معهم وقالو انهم اتفقو مع العيال العايله يطلعو البر و وافق عزام ورحب بالفكره،وقاله له انهم طالعين من العصر عشان يكون عنده وقت يتجهز.
بكذا اكون انهيت البارت الخامس على خير.. حبيت اعيشكم يوم طبيعي من حياة عزام
بعيداً عن العزايمه وقضية القتل واتمنى يكون البارت ممتع.
هل حبيتوه ؟
هل حاببن اكثر من الباراتات الحلوه هاذي ؟
وهل عجبتكم اجواء الروايه؟
تشجعون اي فريق في الكورة ؟
أنت تقرأ
شديد العزم
General Fictionقصة الشاب عزام تحكي عنه وعن حياته وكيف قدر يوصل لحلمه انه يصير عسكري وكيف حقق احلامه وايش العقبات الي واجهها في طريقه وكيف قدر يصير رجل اعمال كبير و وسط كل هذي التحديات تكونت قصة حب جميله رح نشوف كيف عزام رح يوصل لأهدافه وايش رح يصير على قصة حبه ؟
