شديد العزم

الجزء الثاني : عزيمة ابو عزام

صحي عزام من نومه على صوت المنبة وهو يصحيه لقى الساعه ٧ المغرب قام وراح الحمام غسل وجهه وتوضى..

وراح المسجد،ولما رجع راح المطبخ لقى اخته طابخه مكرونه اكلته المفضله اخذ منها شوي وجلس يأكل خلص اكل وهو طالع شاف ابوه..

قاله الاب : يلا يا ولدي تجهز الضيوف على وصول .
عزام : ابشر يبوي.

طلع عزام غرفته وطلع الثياب الي عنده عشان يختار اختار ثوب كحلي،حط الثوب على جنب وطلع الاكسسوارات (الكبك،الخاتم،الساعه،القلم) لونها فضي على ابيض،وطلع عصره الرجالي الفخم.
عزام لبس الثوب والاكسسورات وطلع الشماغ من الدولاب ولبسه كان لونه احمر غامق من اجود انواع الاقمشه لبسه وعدله من فوق،ورش العطر..

نزل لتحت بعدما تكشخ.

ام عزام : بسم الله عليك ياوليدي تهبل الله يحفظك من العين.
اصايل : لا تخافي عليه يمه منزينه محد معطيه عين.
ام عزام : هذا اخوك الكبير ما ينفع تقولي كذا عنه.
اصايل : شدعوه يمه قاعده امزح.
عزام : خليها تمزح براحتها انا اليوم مره رايق.
قصي : عساه دوم ياخوي،يلا تعال نجهز للعزيمه.
عزام : يلا يلا جايك.

قصي اخذ عزام عشان يروحو يطلبو عشاء للعزيمه ويجيبو كمان حلا للعزيمه وكم غرض..
نزلو لمحل حلويات واخذو بكس شوكلاته كبير وكيكه بها المناسبه الحلوه،بعدين راحو مطعم وطلبو ذبيجتين وقالو لهم تجهز ع الساعه ١٠ كذا
بعدها رجعو البيت كانت الساعه ٨:٢٠ دخلو البيت ويلقو نص المعازيم جوا..

دخل عزام المجلس وقال : يا هلا فيكم ارحبو ! قال عمه ابو مناف وبصوت واحد مع باقي الرياجيل عيال عمه وخاله وباقي قرايبه : ياهلااا فيكك.
سلم عزام على عيال عمه ياسر ومناف عيال عمه ابو ياسر وهنوه..
ياسر : وتحقق حلمك ياولد عمي ما تدري قد ايش انا مبسوط لك.
مناف : اي والله يا عزام مره انبسطنا لك.
عزام : ماتقصرون،بشروني عنكم اخباركم ؟ علومكم ؟
ياسر : الحمد الله امورنا تمام،من الشغل للبيت ومن البيت للشغل والامور طيبة.
عزام : وانت يا مناف ؟
مناف : اموري زينه اغلب الوقت مع الشباب.
ياسر : ما ادري متى ناوي يعقل ويشتغل.
مناف : اقول لا تسوي انك ابوي كفايه مزعجينني اثينكم متى تشتغل! اشتعل!! ليش قاعد بالبيت لا شغله ولا مشغله ؟؟؟
عزام : حرام عليك يا ياسر توه صغير خله ينبسط.
مناف : ايه ايه تعلم منه،صح لسانك ياعزام.
ياسر : خلاص خلاص بخليه براحته بس مو لوقت طويل.

مناف وياسر عيال عم عزام الكبير ( جابر )
جابر ابو ياسر عمره ( ٥٤ ) كبير العايله.

عياله
ياسر الكبير بعمر قصي ( ٣٢ ) صديق قصي شخصيته حازم ويحب شغله جدا ( محامي ) اعزب ( عشان لو عجبكم ◠⁠‿⁠・)

مناف بعمر عامر وعمار ( ٢٣ )فله وراعي مقالب بس وقت الشده رجال والنعم فيه،صاحب الثنائي المرح لما يجتمو مع بعض يسموهم ثلاثي.

وثلاث بنات ( ميس،جود،الريم )....

وكذا كذا نكون خلصنا البارت الثاني..
اتمنى تكون عجبتكم شخصيات عيال عم عزام ؟
قولولي مين عجبكم اكثر مناف ولا ياسر ؟

في البارتات القادمه رح نتعرف على شخصيات محبوبه جدا ولد خال عزام...

انتظرو البارت الثاني 🔥🔥