البنات راحو للخيمه وعزام والعيال رجعو للمكان ليث اتصل على اخواته يلاقوه بره الخيمه راح لعندهم واتطمن عليهم وقالهم ان الحمد الله مسكوهم ورح يجازوهم على افعالهم.
عند عزام كان قاعد يضمد جروحه بعدها راح وجلس شوي بالسياره وكان يفكر في سبب عصبيته الشديده لما شاف الشاب بيقرب لسديم
ماكان يدري ليش حس بذاك الشعور...
مر اليوم على خير وعلى الظهر اتغذو وقالو انهم رح يحركو بعد الغدا...
بعد نص ساعه اتغدو واتجمعو..وركبو السيارات
وكل واحد حرك على بيته.
بعد يومين...
ليث رجع للرياض ورجع لشغله.
كان قاعد في بيته يفكر لما استدعاه الضابط المسؤول عن قضية هذوليك الشباب ( الي في البارت الي فات ) قبل ما يرجع الرياض وقاله انهم افراد من عصابه موجوده متوزعه داخل وخارج الطايف رئيس وافراد العصابه الباقين مجهولين وعددهم مجهول..الي عرفوه من تحقيقاتهم معاهم وبعد ما حققوا في قضيتهم واتعمقو فيها عرفو انهم يخطفو البنات ويسوا معهم ذاك الشي ويرموهم.
وبعدها اتذكر قضية البنت المنتحره،الي في البارتات الاولى تذكرونها صح ؟
وصلنا لما صديقة البنت كانت بتعترف بشي ممكن يكون طرف الخيط المفقود في القصه.
نرجع لذاك الوقت عند البنت...
قالت لليث ان البنت كانت متعرفه على واحد بسوشال ميديا اسمه خلف وكانت تحبه وهو كمان كان يحبها وكان يعرف كل شي عنها بيتها مدرستها كل شي عنها وكان ساكن بنفس المدينه الي هي فيها والي عرفته منها ان مكان سكنه كان يبعد كم حي من بيتهم،بعدما مر وقت يمكن ٦ شهور كذا على علاقتهم كذا فجأه تغير معها ١٨٠ درجه ما صار يهتم فيها وكان يكلمها ببرود واحيان كثيره يجرحها وهي نفسيتها مره ساءت وقررت تنهي علاقتها فيه وفعلا صارحته انها تبي تنهي علاقتها فيه بس هو ما اتقبل هذا الشي انو كيف هي تنهي علاقتها فيه ومين هي عشان تجرح كبريائه "المزيف" وتتركه كذا قعد يسبها ويهددها بس هي ما اهتمت وقطعت علاقتها فيه...
وفعلا لما قطعت علاقتها فيه اتعدلت نفسيتها ورجعت لحياتها الطبيعيه..
...
بعد شهرين بالضبط كنا راجعين من المدرسه انا وهي نحنا نرجع البيت مشي بحكم انها بنفس حينا..الا نشوف سياره كحليه وتونا نلاحظها ولما ركزنا اتذكرنا انو لنا كم يوم نشوف هذي السياره ما اهتمينا،وكل يوم كنا نشوف هذي السياره وصارنا نشوفها حتى وقت ما نروح المدرسه...
كذا خلصنا البارت التاسع البارت شوي قصير بس قلت بنزله+عندي ضروف ويمكن اتأخر وما انزل باقي القصه بسرعه
اعطوني ارائكم ؟
وهل اتوقعتو ذا الشي ؟
أنت تقرأ
شديد العزم
General Fictionقصة الشاب عزام تحكي عنه وعن حياته وكيف قدر يوصل لحلمه انه يصير عسكري وكيف حقق احلامه وايش العقبات الي واجهها في طريقه وكيف قدر يصير رجل اعمال كبير و وسط كل هذي التحديات تكونت قصة حب جميله رح نشوف كيف عزام رح يوصل لأهدافه وايش رح يصير على قصة حبه ؟
