شديد العزم

ج الخامس عشر : الي صار بعد ٣ سنين

نسترجع الأحداث الماضيه /
اتعرفنا على عزام وافراد عائلته وعرفنا انه انقبل في الكليه العسكريه وعرفنا شويه حياته وعن حياة بطل الروايه الثاني ليث.

((نتقدم في الأحداث ٣سنين بعد ما اصبح عزام ضابط برتبة ملازم))

اهلا انا عزام صار عمري ٢٦ سنه واخيرا حققت حلمي وصرت ضابط انا سعيد رايح دوامي وعندي قضيه مأزمنتي ماصارتلي تغيرات كثيره في حياتي القضيه الي مستلمها عن تجار مخدارت منتشرين في المنطقه الغربيه هذي الفتره،ومنتشره اكثر شي بين الشباب الي اعمارهم تتراوح بين ١٦-٢٤
الي نعرفه عنهم ان في كل منطقه عندهم كبير وكل المناطق عندها كبير بس ما نعرف مين هو ونبي نمسك الراس الي في الطايف ويمكن لو مسكناه يوصلنا لرئيسهم..

بقولكم قصتي مع سديم//
من يوم ماكنا صغار وهي معروفه بجمالها بس انا ما كنت مهتم بالبنات بذيك الفتره لما صرنا كبار تقريبا كان عمري ٢١ كان عندنا عزيمه في بيت ليث وكالعاده كنت اساعد ليث والعيال بالأشياء الا وانا داخل الحوش شفت ذاك الملاك كانت لابسه فستان احمر وشعرها قاعد يتطاير وهي تحاول تسيطر عليها اول ما انتبهت لي دخلت لجوا ومن يومها وانا مو قادر اشيلها من عقلي وبعد طلعة البر لما شفت الشباب بيقربو منها حسيت اني بنجن...بعد ذاك اليوم بأيام جبت رقمها واتطمنت عليها من بعد الي صار قالت انها بخير وسألت عني وإذا انا بخير وشكرتني وقالت انها مره ممتنه لي وما تدري ايش كان صار فيها لولاي،بعدها.. شفتها في بيتنا وماقدرت رحت لها واعترفت لها اني معجب فيها بالبدايه صدتني بس مع اصراري لاشعوريا هي كمان بدأت تحبنني وصرنا نتكلم كثير واذا كان فيه جمعات يكون بيننا نظرات من بعييد لبعييد حبيتها مره ووعدتها بالزواج وفعلا ما ابي غيرها انهينا علاقتنا ووعدتها اتزوجها لو وصلت لحلمي اني اصير ضابط الحمد الله حلمي في الزواج منها مره قرب كلمت امي تخطبها لي وان شاء الله قريب...

انا سديم صح انو ما يعجبني اي شخص بس بعد موقف عزام معايا صرت اشوفه شخص غير ومره كبر بعيني واعُجبت وعدني بالزواج بعد ما يتخرج انتظره وواثقه انه رح يوفي بوعده لي.

انا ليث اتزوجت شادن بعد الخطبه كان يوم جميل وكنت متفائل بالمستقبل....

مع ان مر على زواجنا ٣ سنين بس كأننا مو متزوجين..
ما بيننا وفاق احيانا احاول اكونةطيب معها واتفاهم معها بس هي ما تعطيني مجال دايم..

ولليوم ما قدرت اقرب منها ولا ابي اقرب وما اعرف ايش الحل معها!!
طفشت منها وافكر اتزوج عليها لعل الزوجه الثانيه تعطيني الراحه والحنيه الي شادن حارمتني منها مع انها جميله وناعمه بس ماتطلع عندي الا اسوء مافيها وتخليني انسى كل شي حلو فيها..متزوجها لي فتره طويله بس ما اعرف عنها كثير...

مايهم انا على روتيني اروح وارجع من الدوام،احل القضايا الى اختلف اني انتقلت للطايف ومعايا وحده اسمها زوجتي تعيش معي،اهلي مبسوطين فينا وكل ماشافونا يسألونا عن الحفيد ونحنا مو طايقين بعض والله يعين على حياتنا مع بعض....

انهيت البارت الخامس عشر اتمنى يكون عجبكم
وهل توقعتو انو هذا الي بين سديم وعزام؟
هل توقعتو انو ليث وشادن حياتهم كذا؟
اكيد عندكم فضول تعرفو ايش يصير في حياتهم رح تعرفو مع الأيام...