(Unicode)
နောက်တစ်နေ့တွင်တော့ ဈာန်မင်းတခေတ်တို့နှစ်ယောက်စလုံး မနက်5နာရီတွင်ထဖြစ်ကြသည်။
ထို့နောက်မျက်နှာသစ်သွားတိုက်ကာ ပြင်ဆင်စရာရှိတာများကိုပြင်ဆင်ကြလေသည်။ မနက်ခင်းဆိုရေချိုးတတ်သည့် ဈာန်မင်းတခေတ်က ရေချိုးကာ ရေချိုးခန်းထဲမှထွက်လာသည်။
"ခေတ်..ဒီမှာ ခေတ်ဝတ်ဖို့အင်္ကျီထုတ်ပေးထားတယ်.."
"အင်း" ဟုဆိုကာဈာန်မင်းတခေတ်က ခွန်းနှောင်ကြိုးထုတ်ပေးထားသောအင်္ကျီနဲ့ဘောင်းဘီကိုယူ၍ရေချိုးခန်းထဲသို့ပြန်ဝင်သွားလေသည်။
အင်္ကျီလဲပြီးပြန်ထွက်လာတော့ ခွန်းနှောင်ကြိုးကရေချိုးရန်ပြန်ဝင်သွားသည်။
ခဏအကြာ ခွန်းနှောင်ကြိုးလဲရေချိုးပြီးသွားသည်။ သူဝတ်ရန်ထုတ်ထားသော အင်္ကျီကိုယူကာ အဝတ်လဲပြီး ပြန်ထွက်လာခဲ့သည်။
"ခေတ် ပြီးပြီလား?"
"အင်း ပြီးပြီ။ ကြိုးငယ်ဘာယူအုံးမလဲ? လိုအပ်တာတွေကျန်ခဲ့အုံးမယ်နော်..၊ သိပ်အသုံးမလိုတာတွေကထားခဲ့လိုက် ဟိုမှာလဲပြန်ဝယ်လို့ရတယ်"
"အွန်း ချည်ထိုးဖို့ ချည်လုံးနဲ့ ထိုးတံလေးတော့ယူခဲ့အုံးမယ်"
"ဟုတ်ပါပြီဗျာ.."
ထို့နောက်ယူစရာရှိတာများကိုယူကာ အိပ်ခန်းတံခါးများကိုသေချာပိတ်၍ အောက်ထပ်သို့ဆင်းလာကြလေသည်။
နှစ်ယောက်သားအောက်ထပ်ကိုဆင်းလာတော့ အချိန်က 6နာရီပင်ခွဲပြီဖြစ်သည်။ သွားဖို့အချိန်ကသိပ်မနီးသေးသော်လည်း ဦးစိုင်းသစ်တခေတ်တို့ဆီသွားရမှာဖြစ်သောကြောင့်အောက်ထပ်သို့ဆင်းကာ သူငယ်ချင်းများအားစောင့်နေလိုက်သည်။
"အာ..ခေတ်..လာဘုရားသွားရှိခိုးမယ် မေ့နေတာ လာအပေါ်ပြန်တက်မယ်"
ထိုသို့ပြောကာ အထုတ်အပိုးများကို အောက်ထပ်တွင်ထားခဲ့ပြီး ဈာန်မင်းတခေတ်လက်ကိုဆွဲကာ အပေါ်ထပ်သို့ပြန်တက်သွားလေသည်။
ဘုရားခန်းထဲသို့ရောက်သော်နှစ်ယောက်သားဘုရားရှိခိုးကြသည်။ ပြီးနောက်ပြန်ဆင်းမယ်အလုပ် သန့်ဇေထွန်းနှင့်လမ်းတွင်တွေ့လေသည်။
YOU ARE READING
𝒀𝒐𝒖'𝒓𝒆 𝒕𝒉𝒆 𝒐𝒘𝒏𝒆𝒓 𝒐𝒇 𝒎𝒚 𝒉𝒆𝒂𝒓𝒕.. {Completed}
Fantasyဈာန်မင်းတခေတ် × ခွန်းနှောင်ကြိုး ဈာန္မင္းတေခတ္ × ခြန္းေနွာင္ႀကိဳး ‼️Male pregnancy‼️ start Date - 1.8.2023 (Tuesday) End Date - 20.11.2023 (Monday) 🌷Second Fiction🌷 {COMPLETED} White Tulip🌷🤍
