"මට ආදරේ කරන්න එපා යීබෝ"
අනේව් හිතක් පපුවක් නැති මිහිහා ඒක කියපු කැත විතරක්.
"අනේ ඇයි?"
"ඔයා තාම චූටියි"
"ඉතින් මං කවදාහරි ලොකු වෙනවනේ අයියේ"
"ඒ උනාට මට ආදරේ කරන්න එපා"
"අනේ අයියේ?...ඇයි කියන්නකො..මට හේතුවක් කියන්න..මං කැතද?"
"එහෙම නෙවේ..ඔයා ඕනිවටත් වඩා ලස්සනයි යීබෝ..ඒ උනාට නිකම් ඕනිකමින් අමාරුවෙ වැටෙන්න එපා"
"ඔයා එක්ක ඉද්දි කෝමද කියන්නකො මං අමාරුවෙ වැටෙන්නේ? ඔයා හොරෙක් නිසාද? මට කමක් නෑ ඔයා හොරෙක් නෙවේ ත්‍රස්තවාදියෙක් උනත්"
"පලවෙනි දේ තමයි යීබෝ මං හොරෙක් නෙවෙයි.එදා මං එහෙම කිව්වෙ විහිලුවට.අනිත් දේ තමයි දෙයියන්ගෙ නාමෙට අපි මේ කතාව නවත්තමු."
"ඔයා මට එච්චරටම අකමැතිද අයියෙ?"
"ඔයා කැමති දෙයක් හිතාගන්න යීබෝ"
"එතකොට මං කොල්ලෙක් ගැන කියවද්දි ඔයාට ඇයි අච්චර තරහ ගියේ?"
"ඒක මගෙ අවුලක්.සොරි"
"අවුලක් නෙවෙයි අයියෙ ඔයා මට කැමතියි...එහෙම නේද"
"නෑ...කැමති නෑ.දැන් හරිනේ ..දැන් නිදාගන්න."
මං ආයෙම මොකුත් කියන්න කලින් එයා ඇස් පියාගත්තා.
"අයියේ..."
".............."
"අයියේ..."
"..............."
මං එයාගේ මූණට එබුනා.
"කමක් නෑ ඔයා අකමැති උනාට මං ආදරෙයිනේ....."
මං මගෙ බුරුල් වෙච්ච නහය උඩට ඇදලා අතින් නහය පිහගෙන අයියාගෙ නලලට තොල් තද කලා.එයාගේ මූණ අත්දෙකෙන්ම අල්ලගෙන මං එයාගෙ තොල් උඩින් මගෙ තොල් තද කලා. මගේ ඇස් වලින් එයාගේ නහය උඩට වැටිලා තිබුන කඳුළු බින්දුවත් පිහලා දාලා මං එයාගේ බෙල්ල අස්සෙ මූණ ගහගෙන ඇස් පියාගත්තා.
ඒ වෙනකම්ම එයා හිටියේ මැරුන මනුස්සයෙක් වගේ...
ගොඩ වෙලාවක් යනකම් නින්දක් මගේ අහලකට වත් ආවෙ නැතිකොට අයියා මාව එයාගෙ ඇඟට තද කරගත්තා.එයත් නිදි නෑද කොහෙද. එයා මගේ ඔලුව අතගාලා අන්තිමේදි මගේ ඔලුවට සීතල හාදුවක් තිබ්බා. මට හොරෙන් තමයි මේ සේරම. හොරෙන් මගෙ ඔලුව අතගාන්න හොඳයි ඔලුවට උම්මා දෙන්න හොඳයි.ඒත් මට කැමති නෑලු.ඇත්තටම මට ඔයාව තේරුම් ගන්න බෑ අයියේ..මට ඔයාව ඕනි...මං දන්නෙ එච්චරයි.
