හවස් වරුවෙ අපි රැල්ල පාගන්න ගියා..ඒ වෙලාවෙ ඉඳන් රෑ වෙනකම් මම එහෙට මෙහෙට පැන පැන අයියා එක්ක සෙල්ලම් කලා. මං මීට කලින් දෙපාරක්ද කොහෙද බීච් ඇවිත් තියෙයි..ඒකත් ස්කූල් එකෙන් ආපු ට්‍රිප් වලදි. මට මේ විදිහට නිදහසේ වතුරෙ නටන්න හම්බවෙලාම නෑ. අයියත් මගෙ අතින් අල්ලගෙන මාත් එක්කම හිටියා.
ඇත්තටම මං හරි වාසනාවන්තයි මේ විදිහට මං ආස විදිහට මං නොදැකපු ලෝකෙ පෙන්නනන කෙනෙක් ලැබුන එකට. මං හිතන්නෙ මේකට තමයි මිනිස්සු ජීවිතේ විඳිනවා කියන්නේ.තමන් ආසම කෙනා එක්ක ආසම තැනක සතුටින් ඉන්න එක.
ටික ටික වටේ පිටේ කළුවර වෙන්න ගත්තා. ඈත් අහසේ හඳේ පළුවකුත් එක්ක තරු එක දෙක පත්තු වෙන්න ගත්තා. අයියා මගේ අතින් අල්ලගෙනම එතන තිබ්බ ගල් පරයකට හේත්තු වෙලා මං එක්කම ඉඳගත්තා.
"ඔයා සතුටින් නේද යීබෝ?"
"ඔව් ගොඩක්.."
"ම්ම්ම්..එහෙනම් එච්චරයි.."
"මං ගොඩාරියක් ආසයි මුහුදට. මං වැඩිය ඇවිත් නැති හින්දද දන් නෑ..මට මාර සැනසීමක් දැනෙන්නෙ අයියෙ"
"ම්ම්ම්ම්න්"
"ඔයත් ආසද මුහුදට?"
"එහෙම විශේෂ කැමැත්තක් නෑ..."
"අනේ...එතකොට අපි මෙහේ ආවෙ මං ආස නිසා විතරද?"
"ඔව් බබා"
"ඉතින් අයියේ ඔයත් ආස මාත් ආස තැනකට යන්න තිබ්බනේ අපිට හයියෝ.."
"එහෙම තැනක් නැත්තම් මොකද කරන්නෙ යීබෝ?"
"තියෙද නැද්ද බලන්න අපි කතා කලාවෑ"
"හරි අපි කතා කලා කියමුකො..ඒත් දෙන්නම කැමති තැනක් නැත්තම් මොකද කරන්නෙ? කොහෙවත් නොයා ගෙදර ඉන්නවද?"
"ඒනම්...මං ඔය ආස තැන් වලට ආස වෙන්නම්..මං මගේ කැමැත්ත වෙනස් කරගන්නම්"
"නෑ යීබෝ..ඒක හරියන් නෑ.. ඔයා ඔයා වෙන්න ඕනි. අපි කාත් එක්ක හිටියත් කාට ආදරේ කලත් තමන් ඇතුලෙ ඉන්න රියල් මනුස්සයව වෙනස් කරන්න හොඳ නෑ. ඔයා මං නිසා වත් මං ඔයා නිසා වත් වෙනස් වෙන්න හොඳ නෑ"
"ඉතින් එහෙම ඉන්නකොට අපි ගැලපෙන්නෙ නැත්තම්????"
"That is the point යීබෝ.අපි ජීවත් වෙද්දි තේරුම් ගන්න ඕනි දෙයක් තමයි යීබෝ මේ ලෝකේ මිනිස්සු එකිනෙකාට වෙනස් කියන එක.ආසාවල් ගතිගුණ වෙනස්.සරලවම කිව්වොත් ඔයා වෙනයි මං වෙනයි. දෙන්නෙක් රිලේශන්ෂිප් එකක් ගෙනියනවා කියන්නෙ කෙනෙක් කැමති දේවල් අනිත් කෙනා වෙනුවෙන් වෙනස් කරගන්න එක වත් එහෙම වෙනස් වෙන් නැත්තම් අතෑරලා දාන එක වත් නෙවේ. "
