صحيح البارت الاول ماجاه دعم بس شكرًا لكل اللي مدحوا و حتى اللي قرأوا بصمت🤍
جالس القرفصاء و ساند راسه على ركبه جنب البانيو و هو يشوفه يمتلي شوي شوي..
فكر بأول سنين حياته..
كان بين ناس يحبونه و يهتمون فيه ، ببيت دافي جامعه بعايلته الصغيره اللي عوضته عن العالم كله وقتها..
تمنى لو يرجع بالزمن دقيقتين بس يحس بذاك الدفى و الامان ، يعيش براحه بدون خوف
يرجع طفل اكبر همه يلعب و ياكل
بدون ضغوطات و مسؤليات
قطع افكاره امتلاء البانيو قام شال ملابسه و دخل نفسه بالبانيو و هو يرد يفكر بعايلته القديمه.. عايله قديمه؟ مصطلع غريب بس مناسب لحالته.. بدا يحس ان ايامه ذيك ماكانت الا مجرد حلم.. شبك اصابعه ببعض بتوتر و فكره معينه تتردد بباله من فترة.. مابيصير شي لو طبقها ، بالاخير هو اشتغل كل هالسنين عشان تجيه هالترقيه و يختار المنطقه اللي يكمل شغله فيها ، قام و هو يشيل السداده من على البانيو ، دوامه ماباقي عليه شي
بدأ يجهز لخواته فطورهم بعد ماتجهز لدوامه
فكر بالقرار اللي اتخذه.. و بنفس الوقت خايف من ردة فعل خواته لو كلمهم بالموضوع ، بس لا خلاص هالقرار بيعدل اشياء كثيره بحياتهم و اولهم البيئه اللي هم فيها ، فكرة انهم ساكنين بنفس المنطقه مع ابوهم ماهي مريحة خصوصا بعد اللي سواه..
"يالله صباح خير وش حارق هالمره"
ديم قالت و هي تعدل سكرابها
"حرق؟ اي حر.. لا تكففى!"
"منجدك حارق بيض؟ طول عمرك تطبخ كلشي الا البيض تحرقه تراك مب طبيعي"
لين طلعت على اصواتهم و واضح عليها الملل
"ياخي حياة العطالة بدت تطفشني مافي فعاليات بيومي"
غيث جلس على كرسيه و هو يقول
"تعالوا دامكم تجمعتوا بقول شي"
خواته لفوا عليه باستغراب
"من متى انت جدي؟"
ديم قالت و هي مستنكره اسلوب اخوها
"صه و اسمعي.. بنقل و بتنقلون معي"
خواته هالمره طالعوا بعض باستغراب و ردوا انظارهم له
"تنقل؟؟ طول اعمارنا بجده ليه فجأه قررت تنقل؟"
ديم ردت عليه
"انتم اللي طول اعماركم بجده بس انا.. بداية عمري ماكنت هنا.."
لين بدت تشك بأن الفكره اللي ببالها صح
"غيث وين بننقل؟"
"بننقل الشرقيه ، الخبر.. جتني ترقيه و قررت اكمل شغلي هناك"
غيث جواب عليهم بهدوء و هو يستعد لردة فعلهم
YOU ARE READING
وَجْـــد - WAJD
Roman d'amourالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
