ماعندي اي خبرة عن اي شي كتبتة بالبارت فأي معلومة تم ذكرها عبارة عن "هـبـد"
فتحت باب مكتبها بس قاطعها صوت احد وراها
"دكتورة اثير؟ ترا رئيس القسم طالبك بمكتبه قال لي اول ماتشوفها نادها"
"و ليه ما اتصل على اياد يناديني؟"
"مدري يقول مايرد عليه"
همست بأول كلامها
"وربيي بذبحه خلاص شكرًا الحين بروح له"
دخلت مكتبها و رمت شنطتها قبل لا تفتح جوالها و تدق على شخص معين
"يابن الكلب رئيس القسم داق على المكتب ولا ترد عليه وينك!!"
"هيه يازق تكلمي عدل و بعدين ماني رايق لك انتِ و رئيس القسم انا بأفضل لحظات حياتي"
شهقت بقوه
"ياتبن عند الدكتور فهد صح؟؟ الله ياخذ ملاك يوم فكرت تبلش الرجال فيك يابزر تعال الحين رئيس القسم يبينا ولا والله افضحك عنده"
"اخخ ليتني عنده والله ، تيم جايبلي فطور و جالس اكله و انتِ تقولين عند فهودي؟"
"ليت فهودك بس يسمع اسمه بينجن عليك"
"خلاص كليزق سكري دقايق و جايك"
سكرت اثير و هو بالجهة المقابلة اعطى الثاني اخر لمحه ، هو ماكذب تيم جايب له فطور بس يوم قال احلى لحظات حياته كان يقصد منظر فهد و هو قاعد بالكافي لحاله ، تنفس بعمق و ركض باستعجال لمكتب الثانيه قبل لا تذبحه
دخلوا على رئيس القسم بعد ماسمح لهم بالدخول
"السلام عليكم دكتور ، يقولون تبغاني؟"
قالت اثير بفضول ، نادر الرئيس ينادي احد لمكتبه
"و عليكم السلام حياكم ريحوا اول ، الصراحه ايه محتاج منك خدمة"
"تفضل امرني انت بس"
"في حالة صعبة عندنا بالقسم بحكم اننا نادر ماناخذ الحالات الصعبه لكن علاجها عندنا كان امر من المحكمة العليا"
"طيب مو اول مره ناخذ حاله صعبه؟"
"جربت كم دكتور معها و ولا احد منهم عرف يتعامل معها خصوصًا ان تواجدها الاساسي عندنا ماهو مريح"
اثير صغرت عيونها بشك
"ليه؟ ايش سبب تواجدها؟"
"هي عندنا بالمرتبه الاولى على انها مشتبه اول لكن بعد ما المحكمه فحصت حالتها النفسيه كان لازم تتعالج نفسيًا فما تطبق عليها اي شي"
YOU ARE READING
وَجْـــد - WAJD
Romanceالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
