وَجْـــد - WAJD

الخـامـس عـشـر

و اخيرًا بعد سحبه طويلة قررت احدث..
بهالشهرين مريت بأشياء كثير نفسية و صحية خلتني اسحب شوي عالكتابة و رجعت قبل فترة احاول اكتب و طلعت بهالشي.. للأسف ماكان ودي يكون البارت بهالشكل ، كنت بزيد عليه اشياء كثيره بس حسيتني طولت مره و قلت احدث شي احسن من ولا شي..
اتمنى تستمتعون بالبارت السريع و اعتذر عالتأخير التعويض بيجيكم قريب🤍🤍..

حط اخر صحن على الطاولة و ابتسم بفخر على انجازه ، مايذكر متى اخر مره طبخ بروقان بس اللي يعرفه ان دامه رد يطبخ بهالروقان يعني نفسيته بدت تتعدل بس عقد حواجبه يوم استوعب ان لا راكان ولا غيث صحوا لهالساعة صح ان اليوم مافي دوام بس مب لهالدرجة

فتح باب غرفتهم بخفة و لمح سرير غيث فاضي نقل انظاره لسرير راكان و طلع قدامه منظر غيث و هو حاضن راكان جهة صدره و راكان حاضن خصر غيث و راسه بين احضان الثاني

كتم ضحكته و هو يرفع جواله و ياخذ كم صورة لهم و يرسلها لقروب الباقين

ردت ملاك عليه
"ماشاءالله هذي سفرة الشغل؟"

كمل اياد عليها
"شكل في تطورات عندكم المفروض توثق لنا كل شي يصير"

ديم ارسلت و هي ترد على كلام اياد
"ادعم!"

بدر ضحك بخفه قبل لا يسكر الباب و يجلس عالطاولة يتأمل منظرهم بالصورة.. تنهد يوم انهمرت عليه ذكرياته مع هتان و كيف انه دايم كان يحضنه وقت النوم و مستحيل واحد منهم ينام بدون لا يحضن الثاني.. مايقدر يشوف غيث ولا يطري على باله هتان..

اخذ نفس قبل لا يقوم يغطي الاكل ، سحب مفاتيحه و طلع برا الشقة ، دام ماعنده دوام بيقدر يتمشى شوي

اما داخل الغرفة

راكان حس ببدر و هو داخل بس ماحب يتحرك و يغير وضعية نومهم

كان غيث شاد على حضنه و وجهه على شعر راكان

راكان رفع راسه بخفة و صارت في ملامسة خفيفة بين ارنبة انفه و ارنبة انف غيث و تجمد بمكانه.. اي حركة تصير بتتلامس شفايفهم

ثبت على وضعيته و هو يتأمل ادق تفاصيل ملامح غيث..
مايدري متى بدا يفهي بهالتفاصيل بس اللي عارفه انه غارق فيه و بتفاصيله..
بالاخير اخذ لمحة سريعة لشفايف الثاني و خصوصًا طرف شفته و الندبه اللي طلعت بعد ذيك الليلة.. و بدون لا يحس على نفسه قدم راسه و طبع بوسه سريعة على الندبه قبل لا يسحب نفسه و يقوم..

سحب منشفته و ملابسه و اتجه للحمام
_

اما عند اثير و شهد و اللي وقفوا قدام بيت اهل شهد..