استمتعوا🤍
اول ما جا بيدخل لمكتب اثير الا و الباب يفتح بقوة و تطلع منه اثير و هي تركض ، اياد انخرش و لا ارادي ركض وراها
"اثير شفيك صاير شي؟؟"
قال بخوف
"صارت محاولة انتحار"
"ميين؟"
"شهد!!"
اياد فتح عيونه على وسعها بخوف و كمل ركض
_
ديم كانت تدور بالمصعد و هي رافعة يدها اللي فيها جوالها ، شهقت بقوة و هي تثبت نفسها بنقطة معينة
"اتتصللل"
قالت بكل سعادة
"جد!"
قامت امجاد من مكانها و وقفت ورا ديم و هي تشوف ان في اتصال!
"جالسة تتصلين على مين؟"
قالت امجاد باستغراب
ديم لفت وجهها لامجاد بتقول لها بس قاطعها قرب امجاد لها.. حرفيًا تكه و يلتصق ظهر ديم بصدر امجاد، لفت وجهها لقدام بسرعة و هي تقول
"ا..اخوي"
"ياذكائك الحين اخوك شبيسوي لو جا؟"
قالت امجاد و هي تسحب جوالها من يدها
"يوه اجل على مين؟"
امجاد ابتسمت على غباء الثانية
"حبيبتي في شي اسمه دفاع مدني"
امجاد كان بيدها جوال ديم و قبل لا تدق على الدفاع المدني لاحظت خلفيتها صورتها مع واحد.. نفضت افكارها لما ردوا عليها
ديم خلت كل شي و فهت على 'حبيبتي'
و جد بعد ربع ساعة وصلوا الدفاع المدني و كلها دقايق قبل لا يفتحون الباب لهم
ديم تنهدت بتعب و هي تحس بالبراد يلفح جسمها بعد ماكانت ميته حر داخل
"مابغينا"
قالت امجاد بارهاق ساعتين بمصعد مب قليلة!
"لين الحين صاملة نروح نوقع؟"
سألت ديم
"صح الاوراق ماتسوى كل هذا بس يلا امشي"
وقعوا و جت ديم بتروح
"دقيقة.."
قالت امجاد و هي تمسك كتف الثانية
"ه..هلا؟"
"خلصت محاضراتك؟"
سألت امجاد
ديم رفعت جوالها تشوف الساعة
"اي اخر وحدة المفروض انها محاضرتك اللي طوفناها.."
YOU ARE READING
وَجْـــد - WAJD
Lãng mạnالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
