تأخرت على موعد التنزيل بس الدوام كان شاغلني عن الكتابة ، اتمنى تقولون لي رأيكم عن البارت🤍
فتح القفل و رمى شنطته اول مادخل للشقة ، يومه متعب و جدًا و اللي يتعب اكثر ان كل الفلوس اللي يعاني عشان يطلعها تروح على ديونه ، تمنى لو مات بذاك اليوم ولا انه يعاني هالمعاناة ، بدا يشيل قطعه قطعه من ملابسه و قبل لا يشيل بنطلونه طلع منه الصوره الصغيره يتأملها زي كل مرة و يسأل الاسئله نفسها ، ايش اساميهم ؟ ايش صلتهم فيني ؟ ليه هالصوره كانت الشي الوحيد اللي معه من بين الاشياء الكثيره اللي كان من الممكن انها تكون معه ؟، تنهد و حطها على الطاوله الصغيره اللي جنب سريره و قام للحمام ، رجع يتأمل وجهه ، و الوشم اللي على رقبته ، وده بس لو يعرف ايش يرمز له
_
صباح اليوم التالي
طلعت ديم من الشقه و هي تركض ورا اخوها اللي كان توه طالع
"غيث يازق ماعندك اخت تصحيها لمحاضراتها!! الدكتوره المريضه بتلعنيي!!!"
"هيه امس قايلتلي ماعندك محاضرات الصباح!"
سحبت مفتاح السياره من يده و هي تقول
"صرف نفسك ان شاءالله تروح كعابي مالي صلاح لازم امشي دحينن"
كملت ركض للسيارة و هي تفكر بعذر تقوله للدكتورة ، الدكتورة بكل المحاضرات اللي فاتت مشخصنتها مع ديم و كل ماسوت حركه لعنتها عليها و ماهي جاهزه تتاخر و تدخل و الدكتوره تشرح خصوصا انها محذره الكل ان اي شخص بيدخل من بعدها مابيشوف خير و البنات دايم يحذرون منها
و فعلًا وصلت للجامعة بعد ما ساقت بسرعة جنونيه ماتدري شلون وصلت بدون لا يصير فيها شي ، رفعت لبسها و بدت تركض بالممرات تدور القاعة ، يوم لقتها دخلت و تنهدت براحه
"اشوى جيت قبل لا تلعني!!"
قالت بتعب و يوم حست بالصمت رفعت عيونها للبنات اللي كانوا يطالعون وراها
"لا تكفون.."
همست و هي تسمع اللي تنحنحت من وراها
_
كانوا قاعدين حوالين طاولة الطعام ، نادر كلهم يكونون موجودين بالبيت بنفس الوقت بحكم دواماتهم لكن هالمره صدفت ان الكل موجود
دق جوال تيم و قطع سوالفهم
"هلا؟ تمام بس انا عندي شغل بخلي احد ثاني يوصلك عادي؟ يلا اجل مسافة الطريق و يكون عندك"
سكر جواله و رفع عيونه لبدر
"مابوصل احد تعرفني ماحب يكون عندي احد بالسياره"
رد عليه بدر و هو فاهم شيبغى
"ترد ولد اختك؟"
قال تيم و هو يمثل البراءة
قلب بدر عيونه و هو ماله خلق يتكلم مع احد
"ارسل اللوكيشن"
YOU ARE READING
وَجْـــد - WAJD
Romanceالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
