🤍
لف على الثاني اللي كانت شهقاته الخفيفه الصوت الوحيد بالسيارة
"انت تشتغل بالمستشفى صح؟"
قال و هو يحاول يغير من الجو الغريب اللي مسيطر عليهم
اياد هز راسه
"و انت جاي للمستشفى عندك موعد؟"
"لا كنت بوصل.. صاحبي عنده موعد مع اخوي"
قال كلامه بتردد مايدري يفصح عن علاقتهم للثاني ولا
"اوه.. ماقلت وين بنروح؟"
الثاني ضحك بخفه مايقدر مايشوفه بزر
"مكان حلو"
"على طريقة كلامك شكلك بتخطفني"
"لو بخطفك ماخذت رايك بس لا معليك مابخطفك"
هو حرفيًا يمديه يخطفه بكل سهوله دامه مشى معه على طول
"اي زين بس تراني ميت جوع ليت المكان اللي بنروح له اكله حلو يعني"
قال اياد بحلطمه
قال الثاني بتفكير
"هو مافيه اكل بس بجيبلك اكل لا تشيل هم"
_
طلعت من غرفة الثانية و سكرت الباب وراها ، جلستهم الاولى كانت ساعتين.. بالرغم ان شهد ماكانت ماخذه راحتها بالكامل بس عالاقل قدرت اثير تكسر اول حاجز بينهم و خلتها تتكلم معها ، قاطعتها رسالة جتها من ملاك و اللي بعد ماقرتها مشت لمبنى المواقف
_
دخلت مكتبها بتعب بس قاطعها جسد صغير كان على الكرسي اللي قدام مكتبها ، متربعه عليه و مركزه بجولها
وقفت و هي تفكر.. ماتذكر ان في احد بيجيها.. ، قربت اكثر و هي تدقق بجسم الثانية من ورا ، بس يوم ركزت بلبسها استوعبت منو تكون
تحمحمت بخفه بس الثانية فزت بسرعة
"خرشتي اميي!"
قالت بعد ماطيحت الجوال
ملاك رمشت اكثر من مره
"خرشتك و انتِ متكيه بمكتبي؟"
لين سحبت على جوالها و استقامت بسرعه
"يوه انتِ الدكتورة ملاك! هلا والله انا لين"
قالت بابتسامه و هي تمد يدها لملاك
ملاك رفعت يدها تشوف الساعة بعد ما صافحتها
"طيب يالين وراك نص ساعة قبل المواعيد لو بتسوين شي يعني"
لين تجاهلت كلام الثانية و هي تشوف المكتب
"ياحلو اسمي منك بس الحين ذا مكتبنا؟"
"مكتبنا؟"
قالت ملاك و هي مشدده على اخر حرفين باستغراب بعد ما تجاهلت اول كلمتين
YOU ARE READING
وَجْـــد - WAJD
Romansaالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
