قبل لا تقرون البارت حبيت اوضح شي
اغلب القصة مبنيه على الخيال فاتمنى محد يبعص و يقول الشي الفلاني مستحيل يصير بالواقع ، يعني العلاقات و المواقف و المعلومات الطبيه و الامراض و اي شي ممكن اقوله بالروايه عباره عن هبد من خيالي
"بالله ماينفع نقول لهم يجون يوم ثاني"
قال تيم لاثير و واضح التعب بوجهه
"ليه شفيه اليوم؟"
"اتصل علي راكان قبل شوي قال انهم بي.."
"لا تكمل كلامك عارفه"
قاطعت اثير كلامه و هي تلعب بشعرها بتفكير و شبح ابتسامه على وجهها
"ماني متطمن.."
رد عليها تيم بشك
قاطعهم صوت الجرس
"لا تكفى يارب مو هم"
قال بتعب و هو يفتح الباب
ابتسم بوهقه و هو يسلم عليهم
رد له الابتسامه و وراه خواته
"جايين خصيصًا لغداك"
قال غيث بعد ماسلم عليه
"اكيد اياد امس ابلشك ماغير يقول غدا تيم و غدا تيم"
"وربي حمسنا نجرب طبخك"
قال و هو يمشي جنب تيم بعد مافتح الباب بوسعه يسمح لهم يدخلون
"هلا والله تو مانور البيت"
قالت اثير و هي تسلم على ديم و لين
"اشتغلت الجده اثير شوف حتى ترحيبها ترحيب عجايز"
قال اياد من وراهم
عطته نظره و ردت انظارها للباقين
اللي جلسوا و بدوا يتبادلون الاحاديث و تعرفوا على بعض اكثر
و بعد وقت طويل من الكلام و التعرف اخيرًا الكل اجتمع على طاولة الطعام
"يلبى توتو اشتقت لطبخك اكثر منك"
قال اياد بعد ماقعد الكل على الطاوله
"توتو تعرف وين تحطها ياكلب"
قال تيم بهمس و هو يقرصه
"اي صح الحين عرفت ان تيم بالامن السيبراني و اياد ممرض اثير ايش تشتغلين؟"
سألت لين بفضول
"انا دكتورة و معالجة نفسية"
ديم بحلطمة
"ياليتك قايله لنا من قبل كان جبنا لك المعقدين اللي عندنا"
غيث كمل معها
"ذول يحتاجون مو بس علاج ، تنظيف شامل و ياليت تشطيف بعد"
اياد و هو يضحك
"الا اقول تدرسون ايش ؟"
لين باستغراب
"ماندرس كلنا خريجين الا ديم"
ديم و هي تبتسم
"تمريض و باقي لي سنه"
YOU ARE READING
وَجْـــد - WAJD
Romanceالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
