عندي مشكلة بالتعليقات لسبب ما ماقدر ارد عليها لكن اشكر الكل و اشكر اللي دعموني و لو بڤوت🤍 ، و في تعريف بالشخصيات نهاية البارت للي حاب يقراه قبل لا يبدأ البارت🤍
تمت كل تجهيزات النقل و وصلوا للخبر بعد ساعات طويله من السفر..
اليوم الثاني
قعد جنبها على الكنبه و هو يريح راسه على المخده و يتأمل السقف
"لين.."
"قول ادري ان فبالك شي"
"ابغى اروح للبيت اليوم"
حطت يدها على يده
"غيث.. انت مستوعب اللي جالس تقوله؟"
"ايوا و جاهز لأي شي ممكن ينقال لي.. بس ابغى اريح بالي.."
قامت و حضنت اخوها بأقوى ماعندها ماكانت عارفه شتسوي غير انها تحضنه و قلبها ناغزها.. خايفه على اخوها
تجهز و مشى بنفس الطريق اللي مرينا من عنده قبل ٢٧ سنة..
ركن السيارة قدام بيت معين
سكر باب سيارته و تامل البيت.. ماكان بيتأكد من اذا البيت نفسه ؛ كان بيتأكد اذا كانوا ناس البيت نفسهم.. حس بثقل على قلبه و هو يتذكر ذكرياته القليلة بهالمكان ، نفض افكاره و هو يضغط على الجرس مره و مرتين و ثلاث.. حتى الجرس نفسه ماتغير بالعشرين سنه الماضيه.. هالمره قطع افكاره صوت مراه بالجهه المعاكسه للباب شد على يده شوي و هو يرفض الفكره اللي بباله..
"ياربي اياد قلت لك مافي غد.."
طلعت قدامه وحده واضح انها بنهاية العشرينات ، طويله لدرجة انها اقرب لأنها تكون اطول منه ، شعرها المجعد واصل لنص ظهرها و سمارها كان مميزها اكثر مع لون عيونها البندقيه
سكتت و هي تشوف اللي قدامها
حس بتوتر رغم ان نادر شي يوتره
"هذا بيت بدر صح؟معليش قولي له اني غيث ابي اكلمه"
قال اخر جملته بثقل
حست بقشعريره تمشي بكل جسمها يوم استوعبت اسمه..
" كيف.."
قالت بصوت خفيف كأنها تسأل نفسها مو تسأله هو..
"ها؟"
قال و هو مو فاهم شفيها
بالاخير نطقت و هي تحاول تبتسم بوجهه و تلطف الجو
"تفضل داخل نكمل كلامنا"
قالت اخر كلماتها و هي تفتح باب البيت الرئيسي على وسعه مع ابتسامه
تفاجئ من ضيافتها السريعه ، دخلته للصاله الرئيسيه و دخل و هو يتأمل المكان ، تغيرت فيه اشياء كثيره
YOU ARE READING
وَجْـــد - WAJD
Romansaالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
