بارت مكون من 5400 كلمة استمتعوا فيه 🤍
دخل للمقهى يتأمل الديكور الداخلي.. كان نفس اي فرع ثاني.. الفرق ان هذا الفرع ماقد جاه ، ابوه حاط شخص يدير اشغال الفرع فماكان مضطر يتطمن عليه بشكل دائم نفس باقي الافرع.. الموظفين كانوا خمسه اربعه دوام جزئي و واحد دوام كامل
"السلام عليكم اقدر اساعدك بشي؟"
سأل واحد من الموظفين اللي واضح عليه صغر السن
"و عليكم السلام لا بس جاي اتطمن على اوراق المحل"
قال سعد
"الاستاذ سعد؟ تفضل للمكتب ريح و هناك بجيب لك الاوراق"
"يعطيك العافية"
توجه للمكتب و طلع الاوراق
و بوسط اندماجه طق الباب و دخل شخص ، طلع واحد من الموظفين و بيده كوب قهوه
رفع عيونه لوجه الثاني اللي كان يغطيه الكمام و فك العقده اللي كانت بين حواجبه.. عيون الثاني..
لف وجهه بيمشي بس وقف سعد بسرعة
"اصبر.."
الثاني لف و باستغراب سأل
"هلا بغيت شي؟"
سعد دقق النظر بعيون الثاني قبل لا يتنهد و يجلس
"لا معليش تقدر تمشي"
الثاني مشى بدون اي كلمة
لا الموضوع ابدًا مو صدفة.. النظره العميقة اللي يشوفها بعيون الثاني.. تذكره بـ...
_
جالس بالمقعد الخلفي بسيارة فارس و هو مكتف يدينه بعدم رضى.. ماكان يبي فارس و الذيخ يوصلونه لأمه!!
فارس ناظر كيان من المرايا الامامية
"كيان ثوبك كله حليب تبي تبدل قبل لا نروح للمستشفى؟"
كيان نقل انظاره لثوبه.. يا الله كان ناسيه تمامًا
"ماعندي مفتاح البيت.."
"معليه تاخذ من راشد"
قال فارس
راشد التف عليه بسرعه
"هيه وش اللي تاخذ من راشد لا طبعًا"
"كلزق ترا ماني ميت عليك حتنا مابغى"
قال كيان بسرعة
"خلاص خلاص تاخذ من عندي بس لا تتضاربون على راسي"
قال فارس و هو يتجه لشقته
نزلوا فارس و كيان للشقه بينما راشد ينتظرهم بالسيارة
فتح باب الشقة و قبل لا يسوون اي شي طلع بوجهه عيسى
"فارس.."
فارس عقد حواجبه و قال بكل غضب
"خير؟ داخل شقتي انا ماقلت لك لعاد اشوف وجهك؟؟"
YOU ARE READING
وَجْـــد - WAJD
Romanceالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
