الطبيب: اتفضل يا أستاذ على و احنا هنتعامل
خرج على دون أن يعلق بأى شيئ و كان أحمد بجانبه
على: لو حصلها حاجة هكون انا السبب
أحمد: متقولش كدا يا صاحبى ان شاء الله ربنا هيشفيها
على: مش قادر أشوفها بالحالة دى قدامى و انا السبب فى وصولها للمرحلة دى
أحمد: متقلقش زمرد قوية و أن شاء الله ربنا هيشفيها
الطبيب: وضع المريض مستقر
على و قد بدأ بالتقاط انفاسه: هيحححح الحمد لله الحمد لله
أحمد: هتطلع من العناية امتى يا دكتور!
الطبيب: المريض ممكن يحصله مضاعفات فيستحسن يبقى هنا لفترة
على: إلى هى قد ايه يعنى
الطبيب: ممكن نقول 3 أيام
على:بعد كدا ممكن نروح البيت !
الطبيب: أن شاء الله بس بالنسبة لوضع حضرتك ف هو تمام ممكن تروح البيت عادى
على: تمام....بلغ المستشفى انى هكون هنا لمدة 3 أيام مش عاوز أى ازعاج ليها و لو وصلى شكوى تخصها هتزعلوا منى جامد تمام!!!
الطبيب: حاضر يا دكتور....ربنا يتمم شفائها على خير....عن إذنك
على: اتفضل
أحمد: ها!!....هتعمل ايه
على:أحمد...متسبليش طوبة فوق طوبة غير لما أعرف مين ابن ال**** إلى عمل كدا
أحمد: إحنا كدا كدا بدأنا نشوف كاميرات و أن شاء الله قريب هنلاقيه
على بعصبية: لاااازممم تلاقوه و محدش يضربه انا الى هعمل فيه كل حاجة بس اصبر هعلمه ازاى يلعب مع إلى مش بيرحم
أحمد: خلال اسبوع و هيكون بين ايديك....أنت هتدير المستشفى و لا هتقعد كدا و خلاص
على: هديرها طبعا...كدا كدا ندى لسه مستوعبتش إلى حصل مع ماما و انا جيت بعدها ف هتلاقيها تعبانه
أحمد: متبقاش تضغط على نفسك أنت لسه طالع من العمليات بردو
على: متقلقش يا صاحبى....معلش نسيت أسألك عن سيدرا هى عامله ايه دلوقتى
أحمد: سيدرا مش هترتاح غير لما تشوف زمرد قدامها....أنا بعتها تقعد مع باباها اليومين دول لحد ما زمرد ربنا يشفيها عشان نفسيتها متتعبش و هى شيفاها تعبانه
على: ربنا يشفيها...إبقى سلملى عليها بقا و قولها متقلقيش زمرد فى ايد أمينه
أحمد: ماشى يا عم النحنوح هقولها انا كدا كدا هروح لها انهاردة
على: يلا سلام روح شوف شغلك و انا اشوف شغلى
أحمد و هو يحاول تلطيف الجو: شغلك إلى هو مين بالظبط المستشفى و لا حبيبة القلب
أنت تقرأ
حب في طوارئ القلب
Lãng mạn"حب في طوارئ القلب" هي قصة مشوقة تدور حول قلبين يلتقيان في ظروف غريبة. تتناول الرواية رحلة الحب والتحديات التي يواجهها الثنائي في مواجهة الصعاب. ستشعر بالإثارة والتشويق أثناء قراءتك لهذه القصة المثيرة! 📚💙
