حب في طوارئ القلب

الجزء الرابع و الثلاثون

على بعد ما رجع بزمرد كل باين جدا انو متوتر او مصدوم كانت زمرد طول الطريق بتحاول تعرف ماله بس فى النهاية معرفتش

زمرد بحنان: مالك يا على....أنت كويس

على بشرود: مفيش يا زمرد متقلقيش

زمرد بنفس نبرة الحنان: على كل لو احتاجت تحكى فى أى وقت تأكد إنى هسمعلك و هشاركك أحزانك بس متشيلش الحِمل كله لوحدك
و ربتت على كتفه بحنان و هو سايق

وصلوا الفيلا و على طلع الجِناح غير هدومه لبدله رسمى و راح الشركه و زمرد بقت ف البيت لوحدها.....دخلت شغلت طيور الجنة و قعدت تقول معاه (ألف باء بوباية قلم رصاص و محاية)😂

زمرد لنفسها: إيه الملل دا انا هقوم أعمل حاجة أكلها

دخلت زمرد المطبخ لقت بنت تقريبا فى سِنها موجودة فى المطبخ و قاعدة ماسكه الموبايل و بتضحك

زمرد بتساؤل: معلش ممكن أعرف أنتِ مين

البنت قامت مفزوعه لما لقت زمرد قدامها هى عرفت إنها مرات على باشا لما ام محمد شاورت عليها و عرفتها

عشق بتوتر: زمممرد ها انم!

زمرد باستعجاب: أيوا....مين القمورة

عشق بتوتر و فرحة فى نفس الوقت: احم أنا أبقى عشق بنت الحاجة الى حضرتك بتقوليلها ام محمد

زمرد بفرحه: تعالى بقا اقعدى معايا بدل الملل دا

عشق بتوتر: زمرد هانم...على بيه و ندى هانم محذرين علينا محدش ليه دعوة بحضرتك

زمرد بتفكير: سيبك من على بيه انا هقوله

عشق بتوتر: بس على بيه قال...

زمرد بمقاطعة: يابنتى قولتلك أنا هقول لعلى متقلقيش

عشق قعدت مع زمرد و هى فرحانة أنها بتعاملها كويس لأن غالبا مش الكل بيعاملها   بالطريقة دى

زمرد: اممممم...قوليلى بقا يا ست عشق حكايتك

عشق و قد خف التوتر بينهما: أنا يا هانم

زمرد بمقاطعة:هانم ايه و بتاع إيه انتِ صاحبتى خلاص

عشق بفرح: تماما يا زمرد....أنا بقا إسمى عشق إبقى فى رابعة هندسة و بابا الله يرحمه سابنا و انا صغيرة أوى و زى ما انتِ شايفة كدا ماما بتشتغل هنا من زمااااان اوووى حتى أيام ما كان على بيه صغير أوى حتى أنها جت بعد ولادته بشوية صغيرين هى إلى حكتلى طبعا و على بيه هو الى متكفل بمصاريفنا من وقت ما والده توفى

زمرد بحزن على ما عاشته: امممم.....بس الأهم من دا كله انتِ محتاجه حاجة او ناقصك اى حاجة

عشق باحراج:لا الحمد لله احنا فُل

زمرد: ما تيجى نعمل فشار

عشق بحماس: يلا

"فى الشركة"