حب في طوارئ القلب

الجزء الخامس و الثلاثون

زمرد شافت عشق ماشية بسرعة فنادت عليها تقعد تفطر معاهم

عشق بتوتر: شكرا يا زمرد هانم بس عشان متأخرش على الجامعه

زمرد:تعالى يبقى حد من برا يوصلك

قعدت عشق معاهم و بدأت تفطر لحد ما دخل عليهم أواب

أواب و عشق فى صوت واحد: أنتِ

عشق بعصبية: لحظة أنت بتعمل إيه هنا

أواب ببرود: جاى بيت صاحبى

عشق بصت لعلى: هو حضرتك تعرفه

على باستغراب مما يحدث: أيوا ظا يبقى صاحبى يا عشق

أواب: اسمك عشق اممممممم

عشق بعصبية: بعد اذن حضرتك يا زمرد هانم انا مضطره أمشى

زمرد بهدوء:استنى انا جاية معاكِ

و غمزت لعلى على اساس انها هتشوف مالها فعلى بيعتبر عشق زى أخته بالظبط و بيخاف عليها و بيعاملها زى ندى بالظبط و طلب منها ترفع الألقاب و هى ساعات بترفعها و ساعات لا

المهم أواب زى ما إحنا عارفين انو ظابط فى المخابرات ف كان فى مهمه فى جامعه عشق عشان فيه طلاب معاهم مخدرات و هو كان مكفل ان يلاقيهم فاشتغل دكتور فى الجامعه و عشق و هى مرة ماشية وقعت عليه أيس كريم ف اتخانقوا و من ساعتها و هو مستقصدها و هى مش بتطيقه

زمرد: ما براحه يا هندسه اهدى كدا هفضل أجرى وراكِ كتير

عشق: أنا آسفه إنى قلقتك عليا بس هو بجد شخص مستفز

زمرد: ايواااا...تعرفيه منين بقا و ليه واخده عنه الفكرة دى

عشق حكت لزمرد كل حاجة تعرفها عنه باستثناء انو ظابط مخابرات لأنها متعرفش هى مفكراه دكتور فى الجامعه

على: أنت مالك و مال عشق يابنى

أواب: دى بنت لسانها متبرى منها

و حكى أواب كل حاجة باستثناء انو كان فى مهمه حفاظا على سرية الشغل بس على فهم انو كان فى مهمه و أحمد كمان

طلعوا كلهن عشان كل واحد يروح شغله

أواب: أنت يا عسل....أنتِ رايحه الكليه

عشق باستفزاز: و انت مالك بقا

أواب: متخلنيش أخليكِ تعيدى السنه

عشق: بص أعلى ما فى خيلك إركبه

أواب: باااااس انا مش بحب الكلام الكتير تعالى يلا

عشق كانت لسه هترد لكن زمرد قالتلها روحى مفيهاش حاجة يعنى فعشق وافقت و ركبت معاه

على: زمرد أنت عارفه نفسك رايحه فين!

زمرد: أنت مش قولتلى يا على هروح معاك الشركه عشان فيه عشا لعملاء من برا و معاهم زوجاتهم