سيدرا بضحك: شوفت كانوا مصدومين إزاى!
أحمد: ياستى أسكتى أنا كنت هعمل فى البت إلى هناك دى حاجة...شوفتى كانت بتكلمك ازاى
سيدرا: طالما انا مش عايشة معاها هشغل بالى بيها ليه!
أحمد: أيوا يا واد يا جاااامد أنت
________
جلست زمرد على السرير و هى على وشك النوم مرة أخرى و لكن لاحظت أن هاتفها يرن
زمرد بنعاس: بصى يا سيدرا متقرفنيش يعنى الواحد نفسه ينام شوية و هتلاقى الأستاذ الدكتور البارد المغرور بيرن كمان شوية ف سيبينى أناااااااام يا خلق نفسى أنام سيبونى
على بصوت رجولى: احمممم
زمرد بصدمة: اى دا لحظة مين معايا!!!!
على: البارد المغرور شخصيا مع حضرتك يا افندم
زمرد باحراج: اااههههه...أكيد مكنتش بتكلم عليك يعنى...هه..أى دا لحظة..أنت متصل ليه أصلا...حد بيتصل على حد الساعه 12 الضهر
على: لا تلات بيتصل على تلات نينينى...انتِ عبيطة يابنتى احنا مش المفروض هنروح و لا اى...و بعدين ايه حد بيتصل على حد الساعه 12 الضهر..اومال نتصل على حضرتك امتى ان شاء الله!!!
زمرد: تمااااااام...خلاااااااص....هلبس و نازلة هستناك فى شارع****
على: لا متتعبيش نفسك انا تحت البيت يختى
زمرد بصدمة: نععععععم.....بتعمل إيه!!...قصدى جيت ليه
على: أنتِ رأيك أنا جيت ليه!!!
زمرد: طب على فكرة فى صحفى فى العمارة بتاعتى خلى بالك عشان دا تقريبا معاد شغله
على: متقلقيش انجزى انتِ بس.. أنا هروح المسجد أصلى و جاى
زمرد: تمام...سلام
_______
أحمد: تحبى بقا تروحى فين!!
سيدرا: معرفش شوف أنت تحب تخرج فين!
أحمد: بما انى حافظك صَم فأقدر أقول أن أكتر مكان تحبى تروحى عليه هو قبر والدتك....يلا نروح نسلم عليها و تعرفينى عليها و نحكيلها المغامرة إلى عيشناها
سيدرا بدموع: صدقنى أنا مش عارفة أنا عملت ايه عشان ربنا يرزقنى بالقمر دا
أحمد: أنتِ عارفة أن الدموع دى غالية عليا أووى....وعد دى هتكون آخر دموع تنزل عشان أنتِ زعلانه...وعد انى هحاول بكل الطرق أخليكِ سعيدة
قامت سيدرا باحتضان يده و أسندت وجهها على كتفه ثم ذهبوا إلى قبر والدة سيدرا
______
ارتدت زمرد قميص قصير و واسع لونه زيتى و ارتدت بنطلون شالستون(ضيق من فوق و نازل بوِسع) لونه درجة من درجات الأخضر تناسقا مع اللون الزيتي و فردت شعرها و وضعت واقي شمس و مرطب شفاة و مسكارا و ارتدت حذاء أسود تناسقا مع لون شعرها و سلسال ذهبى اللون و كذلك خاتم يشبهه و شنطة سوداء و نزلت للأسفل و هى ترتدى نظارتها
أنت تقرأ
حب في طوارئ القلب
Romance"حب في طوارئ القلب" هي قصة مشوقة تدور حول قلبين يلتقيان في ظروف غريبة. تتناول الرواية رحلة الحب والتحديات التي يواجهها الثنائي في مواجهة الصعاب. ستشعر بالإثارة والتشويق أثناء قراءتك لهذه القصة المثيرة! 📚💙
