نجوم محرقة وليل "دامس"

بارت ٢

#نجوم_محرقة_ولـيـل_دامـــــس

بقلمي الكاتبة :: بلبل

#نجوم _محرقة_ وليل "دامس"

تصويت + تعليق بيـن الفقرات +متابعـة الحساباتي

الواتباد::- zai9_hr

الانستكرام::- ze8.h

غشيم اليحسب الوادم مثل گلبه

°°°°°°°°°°°°°°°°°°°°°

•

•

لـيـل ::- رجعت اركض أول ماطبيت لكيت هــــادي لازملة كرك ويحفر بالطرمة والطين واصل البطنة سديت الباب هستوني جاي ادخل الصاله وكفني صوتة يحجي بأمر

- روح للاياسر جيبلك كرك وتعال احفر وياي البوري مزروف وطاك على جيران

جريت نفس بتعب عيوني گوه فاتحهن حجيت اجر

الكلمة جر

::- تعبان خليها غير مره

- امشي لك جيبلك كرك وتعال بدون اكلان خراا

لفيت ورجعت گـــلبي محروك رحت اركض جبت كرك ورجعت من شافاني بديت اشتغل خله وطب ضليت احفر والدنيا تصب فوگي الطرمة طين ومن احفر ووخره الطين على جهة يموع ويرجع ينزل بالحفره ضليت على هل وضعيه بنص ساعة اتعارك وياه اجيبه منا يموع منا .. ذبيت الكرك ودخلت للحمام الطين واصل الراسي سبحت ودخلت

لگيتة متمدد على بطنة وحاط الصوبه كدامة ورافع ايدينا ويمشي اصابعة على سيباية الصوبة يدفي بيهن .. عبرتة وفتت للمطبخ أدور على مروه مامهتملة صاح

- شعجب راد من وكت ؟؟

سكتت مارديت بــــس عيني ادورهن .. اباوع لكيـت السطولة متروسه ماي طلعتهن وحطيت جدوره بين ما افرغهن كبيتة ورجعت سريع أخذت الثاني هم فرغتة ورجعتة التفتت أطلع وبوجهي مــــروه طلعت من الغرفة لازمة دفتر بايد وايدها الثانية قلم

مـــروه ::- ليل دنيا تمطر حيل وماما ما اجت

أخذت دفتر من أيدها وثنيت رجلية كاعد كدامها

::- هسه شوي وتجي
- خاف تتمرض

بست راسها ورجعت اوخر شعر عن عينها واحجي بغصة

::- اكبر من هذول مامرضنها لا تخافين بــــس يوكف المطر تجي

- إذا ما اجت روح جيبها