نجوم محرقة وليل "دامس"

بارت ٥

#نجوم_محرقة_وليل_دامس

بقلمي انا الكاتبة::- بلبل

تصويت وتعليق بـين الفقرات ومتابعة الحساباتي

محد يتحرك گلبه علية ؟
و يمد ايده و يطفي النار بيــه ؟ إذا إلي بيتي ضـدي شحال جاري ؟
يلم فوكي حطب و يزيد نــاري .

انستگرام::ze8.h
واتباد::-zai9_hr

♡'･ᴗ･'♡♡'･ᴗ･'♡♡'･ᴗ･'♡♡'

ليـــل ::- رحت بلهفة اركض طبيت وريتني لا طاب

فتت للغرفة واشوف الحجي ايدينا مسبله ويابس وبـس عين وحده مفكوكة وثانية على نص مغمضة

اجمدت ورجليه ماتت بثگل ومدري شلون رفعت عيني اباوع نجمــة حاشكة روحها بالزاوية تبجي
من شافتني باوعت عليها كامت واجت تركض دموعها تسيل تارسة خدها

حضنت رجلية دفعتها بنتر ورحت اركض للحجي
مديت ايدي ارفع ايـــده مسبله ارفعها اطيح وحدها

بلعت ريك ارجف روحي وگـــلبي يلوبن لا ربي لا ماميت لا مديت ايـــدي غمضت عينة وهزيت جتفة

اكعد بي بصياح من شفتة ماكو ولا نفــس نزلت دموعي جمر على وجـــهي .. بعدني روحي تگلي عدل
ما مصدك شهگت ارجف وعلى علات صوتي نزلت راسي حاط أذاني على كلبة وادعي اسمع دگات عساني ماحطيتها لا نفس لا حس ولا حركة هنا ايقنت صدك مات

رجعت ورا اهز براسي ما مصدك وايديه اثنينهن عاصر
راسي بيهن انكث كلي ارجف فزيت من طب امـــــير يلهث حاط ايده على گلبة يجر نفس قوي من شاف

حالي نقل نظره مني الأبوة گالب كركم وشفته بيضة
عبالك صارله سنه من ميت ... طاح من طوله للكاع مثني يصيح احس صوتة كزبر جسمي .. على بچيه نجمة تبچي وياه وانا انتهيت حسيت عيوني انطفت
لهناك ودرت عيني اباوعله بغواش جريت نفس اشهك

نجمـــة شوي وسكتت بـــس بطنها ترجف وعيونها تراقبنة بخوف ورعب

لميت رجليه الصدري وخليت وجهي عليهن وابچي
على بچيه ... اكثر من الساعة مرت واحنا على نفس

حالنا كشف النهار وشمس بدت تنزل ... نجمـة من كثر البجي نامت مرتكيه على حايط

امــــير حاط راسه بين ايديه ويبجي ويفطر الماعنده كلب

كمت جسمي يهتز جريت نفس أجبر نفسي عـــلى قوة
بحيل مهدوم ساخط كمت جريت راس نجمـــة حاطة عـــلى مخده وغطيتها