نجوم محرقة وليل "دامس"

بارت ٣٤

مـساء الخير للجميع

#نجوم_محرقة_وليل_دامس

تصويت أبين الفقرات لطفاً

بقلمي أنا / بلبل
للتواصل انستگرام / ze8.h

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

كلشي بيه يريدني ابچي ومنهو يدري الدمع يحچي .

𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓄼𓂁

مـروة : : رفعت راسي حاطه عيني بعينها .. جامده حتى ما ارمش والباب ندفر بــس مو دفره عاديه لا چانت عبالك رصاص فلش الباب .. طلع همام يركض وأمة وراه وطفله ضلت تفرفح ، لا أكدر اشيلها ولا ادنك سحبتها وكعدت على قنفه اسكت بيها .. ما احس إله صوت ركض وجاي تجاه باب صالة لزگت البت برجلي فحطانة من البچي وباب الصالة ندفر عبالك مداهمات ..

طبت ام سمرة تعيط وشگ بملابسها
- بتيييييي بتييييي ووووين همام بتيييي ووووين ووووووين بتي يماا سسسسسمرررة يمااااا

وكعت بالگاع تلطم لا خلت دراعة ما ملختها حجاب نزعته تهمش بشعرها تگطع وتذب .. وجها من الطم مزمبر دم .. حالي صار حال حيزوم البقت بس تشهك
خنك .. مجمده اباوعلها وخايفه اروحلها وتضربني على كد ما روحها مفرفحة .. طب همام يركض وأمة ورا .. كعد همام كدامها يهدي بيها بس مكاعد تسمعه
ولا تنطي مجال يشرحلها .. ماكو غــير يماا سسمرة تتردد بحلگها وبصوت عالي وروح محترگة ..

اجت أمة وكفت كدامها ضربتها على رأسها على كيف
- كــافي تبغجين جــــيراان منا فضحتينا ..

على كلامها راسًا رفعت راسها تباوعلها شهكت مسحت
وجها وگامت بعصبية وكفت لطول ام هـــمام تصيح وتعيط ..

ام سمرة ::- كله منج انتِ كله منج لو ما اجة منچن ذيج الليلة فلا طب عليها .. انــــتِ الترستي راسة حــية حية أم سحوورة ..

بعدها ما مكملة ضربتها راشدي ودفعتها ليورا تصيح
بيها ..

ام همام ::- تربيتج وبتج هاي إذا انــتِ تدرين بيها معناها انتِ الي منطيتها مجال وطمطميلها لو مو بعيده عليج اختج ياهي لشلحت من بيتها لحضن صويحبها شتكليلها هي البت تربية الأم والخالة ، وانتم ما شاء الله اثنينهن ماكو لا سمعة لا أخلاق .. وگص ايدي هاي إذا ما چنتي تدرين بشردتها ويجوز انـــتِ المشردتها على ابو شردي لا يذبحوج .. واللـــه اليعلم بايدك حب وفوگك رب ..