نجوم محرقة وليل "دامس"

بارت ١٠

#نجوم_محرقة_ولـيـل_"دامـس"

بقلمي انا الكاتبة::- بلبل

يا گـــــلبي فانوس بمحطّه
يلصف حزن من تمر جنطه
لا طفت ناره ولا اتغطّه
آخ الفراگ شأخذ واطّه
منجل نشيط گبال حنطه

تعليق بين الفقرات ومتابعة الحساباتي لطفاً .

الانستكرام::-ze8.h
الواتباد::-zai9_hr

♡'･ᴗ･'♡♡'･ᴗ･'♡♡'･ᴗ･'♡♡'

نجمــة ::- كل احنا شهكنه شهكة وحده ونسمع صوت الدوريات

رجع لـيـل يمشي خطوات ليورا والتفت يركض طاب ركضت ورا وخـــــالة تصيح

- اشرد لـيـل اشرررررد

طب للغرفة واني ورا جر كبوسي على نضيده وطلع سحبني طلعنا من صاله ودوريات نسمعها طبكت بالباب .... لبس حذاءه ودنك شال حذائي وركضنا للترك وخـــالة گطعت روحها تگطع

گعد ودنك راسة انطاني ظهره يصيح
- اصعدي على امتوني نجمــة بسرررعة صعدي

صعدت ولزمت الحايط  شابخة على تيغة صعد وطفر ونسمع اصواتهم يصيحون بخالة اندفر التفتت شاهكة رفع ايدينا يگلي طفري طفرت كضني بسرعة وشردنا نركض ونشوف شرطين داروا من جهة ثانية يركضون ورانا

طبينا فرع ثاني وسياره الشرطة اجت لاحكتنا طبت ورانا سريع نركض بكل قوة احس گلبي راح يطلع ونفسي وكف طبينا فرع ثاني ضيك كلش لبدنة جوه سياره كعدت ماده رجليه الهث واشهك مفرفحة

دار وجهة لـيـل مكابلني يمسح بوجهي

- جري نفـــس يله نجمـة

::- لـيـل راح اموت گـــلبي گـــلبي يريد يطلع

حاطه ايدي على گـــــلبي احجي وابچي سد حلكي وضم راسي بصدره .... كلبه كد ما دكاتة تركض احس يدكن براسي شهكت حيل احجي

::- عوفني لـيـل كله مني كله عوفني روح اشرد

رفعت راسي اناشغ

::- لو مو اني انـــتَ مو هيج متعذب مو هيج متعلعل ولا احد يأذيك جان هسه انــــتَ بحضن امك بحضنها تاكل أكلتك وعايش بهنا مو بركض وبلوعات كله كله مني

- اسكتي كافي

عصرت عيوني امسح بوجهي وضميت روحي بحضنه لامني بقوة وجهة يتلفت لشارع بخوف

مر دقايق رفع راسي كاض وجـــهي يبلع ريگ بصعوبة ويرجع يحجي صوتة يرجف

- اريــــدج تسمعيني بالحرف الواحد

هزيت راسي اي حاطه عيني بعينه عاف وجهي ونزل راسه جر رجليه لبسني حذائي ورجع عدل كبوس ضم شعري ونزله على عـــيوني يباوعلي بتعب ورهبة