نجوم محرقة وليل "دامس"

بارت ٣

بقلمي انا الكاتبة ::- بلبل

#نجوم محرقة وليل "دامس"

تعليق بين الفقرات + متابعة الحساباتي

الواتباد::- zai9_hr
الانستگرام::- ze8.h

مَاڪو واحَد يَقره حِزنك، نَام يالَمتعوب وحَدك

♡'･ᴗ･'♡♡'･ᴗ･'♡♡'･ᴗ･'

•

•

ليل ::- لزمني من ياخة تشيرتي يعت ويصيح

هـــادي :: مرجعك الي رديتلي موو ؟

ضربني راشدي ورجع لزمني يصيح ويضرب ... امي تصيح وتسحب بيه وهو لازمني وجايبني دك كل ضربة احس عظامي تتنعنع بايده

مـــروه فاحطة بچي .. وامي تسحب تحاول تفرقني من ايده ... لحد ما دفرها بچف رجلة وكعها على ظهرها  ...من شفتها وكعت روحي شاغت اريد بـــس افرغ روحي اركض أشوفها دفرتة يعوفني ... رجع لزم ركبتي ودفرني بوكس على خشمي ويصيح

- لك إبن الكلب تدفرني تدفر اليد النمدت توكلك ياچلب واللــــه اليوم الخلي الملائكة تتلاطم عــليك

بمجرد ما حجاها اخذني سحل للمطبخ مر على امي الواكعة لزمت رجلة تصيح وتبچي

- هــادي اروحلك فـــدوه عوفه واللـه بعد مايعيدها ضربني موتني انا بــس عوفة طفل بعده واللـه طفل احسبني انا مكانة اروحلك فـدوه كــافي راح يموت

دفرها ومشه يسحل بية مروه تبجي على أخر نفــس وأمي تصيـح وتبجي اجت تركض اول ماشفتة طلع سجينة ورجع لصاله يسحل بيه عرفتة يريد يچويني

اجت تركض مدنكة جوه رجلينا تبجي وتتوسل وهو ولا هامة سحك عليها ولا جنة يشوفها وعبر يسحل بيه خلة السجينة على صوبة وعبر ايدية ورا ظهري ويصيح
- تدفرني غير هسه أعلمك هسه اصبرلي

يحچي ويهز براسة يكلب السجينة ويحميها من الجهتين ... امي تبچي وتعت بي يعوفني ... دفعها ولزمني من راسي مكعدني على ركبي وايديه لافها ورا ظهري غمضت حرف مانطقت بـــس دموعي تهل على خدي لان اعرف بروحي بـــــس اشرد راح تصير الكتله بامي اتحملها انا اتحملها ولا اخليها تنمس من وراي

كاعد على اركبي وايديه لافها ورا ظهري هستوه شال سجينة يلسعها بمتني ودفره بايده لحد ما طارت سجينة منة للباب التفتت بهمة واشوفها امي شعرها كفشه وتلهث .. ثوبها من يم صدرها مشكوك وعيونها من لطم والبجي حمر شفتها بيضه تتراجف