نجوم محرقة وليل "دامس"

بارت ٣٨

#نجوم_محرقة_وليل_دامــس

للتواصل Insta | ze8.h

#تصويت_وتعليق بين الفقرات لطفاً

𓇬𓇬𓇬𓇬𓇬𓇬𓇬𓇬𓇬𓇬𓇬

كون اشوف الحزن شارد
كون اغمض اعيوني ليلة وراسي بارد .
𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬

الــهــام : :- ا اليوم نجمـــة اليوم عرس لـيـل من بت جـــبران

نجمــــة : :- تبند جسمي اجمدت عـيوني فاتحتهن على وسع ، حسيت اني سمعته صدك لو عـــلى كثر ما افكر بي جاي اتخيل كل كلام هو بي

اتقربت جاية علية جفن عــيونها جان كــل واحـد هلكد دم ومنفوخ .

اتسللت رجليه الوحدهن هم راحن عليها لا روحــي لا جسمي احس امشي بلا روح ، صرنا وحده مقابيل الثانية ، مديت ايـــدي رفعتها ، نفسي يلهب ودكات گـــلبي مثل الاشويه يدكن ركض بركض وشوي يرجعن يوگفن .

رفعت ايـــدي دموعي نزلن ، اختنكت كوه كلت شهكة
على طرف جرت نفسي .

::- شنو شنو گلتي ؟ .

دنكت بعيونها الدموع جلبكت ايدينها تعصر اصابعها
::- احچي سووولفي مو كــاعده اكول .

على دنجت راسها تحجي وترجف
إلهام :- ازوج لـيـل اخذ بت بت جــبران اليوم اخذها .

اختنگ صوتها ورفعت عينها متمركزه بوسط عــيني
غمضت عاصره عيني بتعب ، جذب من اكول شصار بحالي جذب من اكــــدر اشرح الصار بيه ما أعرف ما أعرف اوصف الكسر النبت گـــلبي ، من اكول ضجت هم لا ، انقهرت لا ، شي اكبر أكبر وأكبر من الموت بعد ، لحظته حتى الموت حسيته مو شافي الكسر الصار بروحي گلب ما عندي ميت من زمان روحــي الا كل يـــوم كل يوم دا تعيش الموت باشكالة والوانة هــسه هم ماتت .

يمكن اكدر اوصف كسر الگلب ، ورقة بيضة وارسم
داخلها قلب وارسم داخل هالقلب سهم وطاب بي ، بــس الروح الروح لا ترسم لا تنرشح لا تنوصف صعبه
حيل صعبة .

كل الاحسيتة نار مو نار عادية لا نار المووت تسللت
من رجليه الحد راسي ،

رفعت ايـــدي لزمت ببطي صار بيها نغزات آلم كعدت عــلى اركبي . النفس كوه اجره ، افتح حلكي اريــــد بـــس يطب ريتي وزفره ،

درت وجهي حاطة عيني بوجها الدموع مرسومة طبع على خدها تشهك تجي تحجي وتخونها الشهكة .

- آسفة نجمـة آسـفة اروحلج فدوه عذريني ما كدرت اضمها والله روحي ما نطتني أضم عليج من الصبح من الصبح وانا وروحي كل وحده تحجي شكل ، انا ما ردت اكلج وروحي تريد حرت نجمــة حررت .