نجوم محرقة وليل "دامس"

بارت ٤

#نجوم_محرقة_وليل_دامـــس

بقلمي انا الكاتبة::- بلبل

ما حجينه "
بس بچينه "
وبقت بس ترجف ايدينه "
ما نسينه بس تجاهلنه ومشينه ."

تصويت + متابعة الحساباتي + تعليق بين الفقرات

الواتباد::- zai9_hr
الانستگرام ze8.h

♡'･ᴗ･'♡♡'･ᴗ･'♡♡'･ᴗ･'♡♡

لـيل ::- فكت عينها راحت تركض لزمت جنطتها وتجر ببنتها ووكفت كبالي عيونها مدمعة تحجي بارتباك

- دليني وين وين بيتهم أخذني إله اروحن فدوه العينك

عكدت حاجبي مامفتهم سامع عنده أخت بس كال من تزوجت ماشفتها ، بلعت ريگ وهزيت راسي برفض ، اجتي لزمت ايـدي تبجي وتحجي بتوسل

- عليك علي يمة دليني وين هو بــــس گلي زين بيتة بيته وين بضبط والله اختة ششوف هاك

فلتت الجنطة الابيدها وتهمش بعباتها طلعت محفضتها وفكت الزنجيل وتشهك بصوت .. طلعت البطاقة الوطنية رفعت ايدها تراويني وتأشر على اسمها واسم الاب بتمتمه

- باوع إذا تقرأ اسمي هذا نــــوال ميثم رعــــد هذا ميثم رعد أخت سليمان ميثم رعد إذا تعرف ابو سليمان

هزيت راسي اي والتفتت اباوع لابو البسطية الفاك حلكة علينا ساكت ... رجعت باوعتلها عـــيوني تباوع بحيره .. رفعت شعر عن عيوني وحجيت بتأسف

::- ماكدر خالة تعذريني

هزت راسها دوموعها تهل وتضم ببطاقتها

- ليش ما تكدر ، زين خوش ما تكدر تروح كولي مكانة بيته بيا منطقة

دنكت اباوع للبنية مجلبة بطرف عباة امها ومترقبة كل حجينة بسكت .. رفعت عيني العينها البعدها فاتحتها وكلها دموع تباوعلي بيها
- زين تانيني هنا هسه اجيبة واجي

هزت راسها اي مكيفة وتمسح بعيونها

- خوش هنا هنا متانيتك لطول فدوه الطولك

صدينة على ابو البسطية يحجي

- خوية بنيتج لا تتمرض تعاي هنا كعدي بالبسطية ادفي بين ما يجيبة ويجي

هزت راسها ودنكت تكض بتها وتشيل جنطتها ، رحت اركض على نفس واحد وصلت لدربونة مالتهم ظلمة حيل بـــس البزازين متكامشة وصياحها ماله والي اركض نفسي نكطع وانا ماواكف ، وصلت ووگفت بالباب اجر نفس فحطان احس گد ما گـــلبي يدك راح يطلع من صدري ... ايدي احسها بكد ما الهث تنگد بگلبي .. صميت جف ايدي ورفعتة العصب مجمد ، دكيت الباب نلسع گــلبي الباب حديد وايدي مثلجة دكيت اكثر من مره يله اسمع صوتة جاي ويصيح