نجوم محرقة وليل "دامس"

بارت ٢٣

مساء الخير حلوين

#نجوم_محرقه_وليل_دامــس

للتواصل انستگرام ::- ze8.h
الواتباد ::- zai9_hr

تعليق بين الفقرات لطفاً

₊‧₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊

ضباب بجام ما طالت عشرتي وياك

₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆.₊‧⋆

مــروه ::- كملنا كلشي هــادي يومين ماكو كاعدين امي وجها ورم وخدها صار من يم عينها لحد ارنبت أذنها خط ولونة بنفسجي بــــــس خف يعني مو مثل اول يوم ، همام اخر مره شفته من سوينا عقد ، صليت الظهر وامي تسوي غدا كملت وطلعت كعدنا بالصالة نتغدا ونسمع الباب اندك .

طلعت امي نخمش گـــلبي من فات هادي يتلفت وكف قريب من يم باب الصالة والتفت الامي من فاتت خزرها سريع ودار عــليه يحجي .

- دك هـــــمام كال العرس عگبة والرجال ملتهي باجر كال أمر عليكم .

::- وشدعوه هيج مستعجل وشلون بله نركض يتشرط واحنا انفذ عيني كله منا الاسبوع اليجي وهل فتره عرس ماكو .

هــادي ::- واللــه هاي مو يمي ارجولتجن تردن باجر هسه سنه بعد انتم جبتوهم وانتم تتحملوهم انا مو كفيل عليج لو ترديني اشتغل قرقوز الحضرتچ .

::- ها يعني بــــــس اخذتلك ٣ ملايين إذا لا بيها ولا عليها شكو تمد ايدك عروس انـــتَ لو شريچي .

- انچبي لچ سنين صار اصرف عليج لامج ولام امچ اصرف عليچن تكول بنكلاديش الحضرت جنابچن مصفطات وكاعدات ودورن اكل واللــه عيني جاهز بله منين اشو افتر بذيلي اليسوه والمايسوه يدمغ بيه هذا يكول ماكو شغل هذا يهينك هذا يومين ويطردك ومتحمل واللـه المن الحلگج وحلك امچ بعين صلفة جاي تحاسبيني على الاچم فلس اخذتهن هاي المفروض انتِ تنطيني بدون ما ارفع صوتي لو ايـــدي انتم الا بالكتل يله تجرن عدل ما تحبن التفاهم عمرچن كله تحبن اليهينچن .

::- بله صفاقة ما عاش ولا يعيش الي هين امي افتهمت هاي سنين صار متحمليك ومتحملين جيفك اشو بله عيني ششتغلت وين عامل بالسوك وين تبيع ماي وين بالخياطه ومدنك نهار كله ووين ما تكلي ووين، لو قصدك على بسطية وانتَ كاعد وفتره وشردت وذبيت العيشه براس عــمر يحير بمنو بأهله بينا ٣ نفرات من غير أهله لك امي التحچي عنها عمت عينك إذا توصل الاظفرها عاد عندها عرگه بوجها مو مثلك زايع المستحه وبايعها انتَ عود هم تعتبر نفسك رجال ومحسوب زلمه لك امي اشرف منك كل لگمه يجيبها ابن الناس عود واللــه على ريحة ليل انتَ حتى بلاه عايش عليه والتحچي عليها حضرتك تخجل وتستحي وكونت نفسها واشترت ماكينه بـــس اسويت انتَ يلي تشتغل كسرتها لانك انتَ كسره مو زلمه .