نجوم محرقة وليل "دامس"

بارت ١٦

بقلمي انا الكاتبة ::- بلبل

#نجوم_محرقة_وليل"دامـس"

تعليق بين الفقرات ومتابعة الحساباتي لطفاً .

الواتباد :- zai9_hr
للتواصل انستكرام :- ze8.h

. ◜◞ .. ◜◞ .. ◜◞ .. ◜◞ .. ◜◞ .. ◜◞ .. ◜◞ .

لـيـل ::- ضرب غلط سب فشر انفك باب زنزانة التفتنا كلنا طبوا شرطين كل واحـــــد لازمله دونكي الجماعة الجانوا كاضيني ابتعدوا اول ما شافوا الشرطة والمجموعة الكاضه الولد هم ابتعدت كلها ضلت واكفه على جهة

رجعت ورا اعدل بياخة تشيرتي والهث فحطان لزمني واحــــــد وثاني لزم الولد كل ضربة يطلع روحــك كدامك شبعونا دك كتل تالي اخذونا اجرجر مطلعينه كـل واحـــد حجزوا بزنزانه منفردة

طببوني ظلمة ايـــــدك ترفعها ماتشوفها مشيت رافع ايــــــدي اتهمس اخاف اردم الحايط من لزمتة كعدت شوي شوي ماد رجلية وساند ظهري على حايط جسمي رجلية يصلن بگلبي .... وين يله انفك الوجع واجوا حطولي اكل وطلعوا مر تقريباً اسبوعين بالانفرادية

::- وجبة الأكل گصوها عقاب الي يحجزوا وجبتين الثالثه تنگص مر اسبوعين الموت شفتة بيهم

مامتعود ظلمة سنين صار ولا مره حجزوني صح اتعارك واضرب بــــــس السجن الجنت بي ما انحجز اتعقاب كتل

متمدد ايـــــدي جوه راسي مختنگ ومأيس من الدنيا بـــــس امي مـــــروة نجمــة كل وحــــده ماخذه ركن براسي ومتربعة بيه ساعة اكول امي شصار بيها من نقلوني بعيد ساعة اكول بعد اكيد ما يخليها هـــادي تجي هو من چنت ببغداد كل شهر مره مو نوب بالجنوب مستحيل ساعة اكول نجمــــة شلون يعاملها صح من تجي تگول زينه ومابيها شي ومنتظرتك بـس تطلع اما گــلبي ينغزني من اجيب طاريها اعرف بيها تتأذى وتسمع كلام يجرحها وتنذل وحـــــتى يضربها اعرف هادي حافظه كلش زين مايعوفها انا موجود ولا
راد يلزمها يشبعها كتل يله هسه ما ياخذ راحتة

سحبت نفــــس حيل قوي وغمضت عاصر راسي ابين ايديه اوخر الوشوشة والتفكيرات الماكله راسي رفعت وجهي مضيگ عيني للباب من انفك فتح زنزانة وضل واكف يحجي

الشرطي ::- يله طرزان گووم خلص حجزك

كمت چن گـــــال خلص حكمك مو حجزك اجة جلبك ايــــــدي وطلعنا عيني تفتر ابين الممرات المشطور القسمين كل قسم زنزانة بي أكثر من زنزانة