نجوم محرقة وليل "دامس"

بارت ١٨

بقلمي انا الكاتبـــة::- بلبل .

#نجوم_محرقة_وليل_دامــس

الانستكرام::-ze8.h
الواتباد::-zai9_hr

.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ

عشت متعوب تعب موش بگد مواليدي ..

₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.₊.

مـــروة ::- لزم ايــــدي حيل وجراني اله يرجف صاير اعصاب ويصيح

- منين جاية منييين

گـــــلبي كل كلمة يفز قبل جسمي جريت ايــــدي منه حيل والتفتت من الولد يحجي

- رفيجة ســــمرة وصعدت وياها وشصار؟

التفت عليَ عيونة دم ناطة بــس فكة يرجف بلع ريك وعصر عينة حيل والتفت علية ماحجة ومبين گوة ماسك اعصابة باوع بعيني واني دموعي تلوب بفص عـيني بــــس ارمش تصب

عــــــمر ::- آســـيا اخذيها وفوتي جوا ، ولا تتحركن خطوه وحـــــدة بالحله جايجن

من شاف بعدنا صاح

- تحرررررررركن

اجت آســـــيا سريع جرت ايــدي والبنت اجت تركض ورانا احس روحـي طلعت متت مفرفحة كل ودي ارد لامي بعد ما بيه طاقة ماكدر اكمل الخنكة ذبحتني والغصة مجلبة بلعومي حتى ما حجيت ولا بررت بـــــس ليش ابرر وعلى أي أساس يصيح گدام رجال ماعرفة عود يحبني لو يحبني من صدك ما فشلني وخلاني هلكدوتني هلكدوتني خلاني كدام زلمة غريب

دفعت ايدي حيل من بين ايدين آسيا وحضنت وجهي ابجي كضت ايدي وسمره واكفة بــس تباوع

::- آســــيا والله ماعرفة ولا عندي عرفة وياه بـــــس
سمره اصرت وكلتلي صعدي ويانه والله ماعرفه

شهكت غاصة حضنتني وسمره همست

- انا كتلها وعـــمو همام منين يعرفها اصلا

اســــيا ::- اعرف يروحي اعرف

ابجي مفرفحة وسمره كل شوي وتأسفت لمن دك الجرس راحت طابه الصفها

- بسج كومي يله نروح للحمام غسلي وجهج
حتى نلحك لأن حتاخذنا امتحان بــدل الرياضيات

هزيت راسي ورفعت وجهي من حضنها امسح بعيني الشهكة متكسر ابطني رحنا للحمامات غسلت وأخذت نفس شوي اهدي روحي وطبينا للقاعة ابين ما اجوا وزعوا الاسئله امتحنت واول وحـــــده طلعت عرفت نص ونص من گد ما مرتبكة وارجف نسيت