في قصر كبير الصعيد ياسين الجبلاوي كان قاعد يترأس سفرة الأكل وبجانبه ابنه بدر الجبلاوي على اليسار وعلى يمينه الكرسي كان فاضي فمين كان يجرأ ويقعد مكان نواره بنت بدر كان الكل جالس بصمت لحد ما نطق الحاج ياسين وقال "فينها نواره اكده مش عوايدها تتأخر على الوكل " رد سليم اخو نواره الصغير وقال "كان في مشاكل في الأرض الجنوبيه يا جدي راحت تشوفها وهتعاود على طول" تنهد الجد وقال "ياسر ولدي جاي من مصر انهارده هوا وولاده جهزوا اوضهم"
انتهى الأكل والستات اتقسموا نصين نص خد المواعين وراح يغسلهم ونص تاني راح يجهز أوض لياسر وولاده...
ــــــــــــــــــــــــــــــــــــــــــــ
على الجانب الآخر في الأرض الجنوبيه كانت نواره واقفه بالشال اللى مغطي كل راسها ما عدا عينها بتتفرج على الأرض اللى باظ نص زراعتها بسبب الماشيه... بصت نواره للعركه اللى كانت دايره بين صاحب الأرض وصاحب الغنم وبعدها نطقت بهدوء لصاحب الغنم"انت هتدفع تمن الزراعه اللى باظت بسبب غنمك يا منصور أما انت يا نصرت هتأَكل غنم منصور 3 شهور بدل الخروف اللى دبحته " قالت آخر كلامها ومشيت وطبعا الرجاله كانت موافقه على قرارها فهيا تبقى الدراع اليمين للحاج ياسين عمدة الصعيد
ــــــــــــــــــــــــــــــــــــــــــــــــــــــــــ
في عربيه لسه داخله الصعيد كان بيسوقها شاب في بداية التلاتينات وجمبه ابوه ووراه اخوه وأخته الصغيرين نطق مصطفى لأبوه وهوا عينه مركزه في السواقه "متعرفش جدي طالبنا ليه يا بابا بعد السنين دي كلها"
رد أبوه بضيق "وحشتوه ايه معدش عندكم دم محدش فيكم فكر يجي يزوره او حتى يكلمه بالتليفون " سكت مصطفى وكمل الطريق وبعد ساعتين كانوا وصلوا للثرايه ورحب بيهم الحاج ياسين ودخلوا بعدها عشان ياكلوا
(تسريع أحداث)...
بعد الأكل اتكلم ياسين وقال "الرجاله ورايا على المندره وانتي يا ثريه جهزيلنا الشاي" اتنفذ اللى قاله الكبير والكل كان في المندره فنطق الكبير بعد ما قعد على الكرسي بتاعه اللى كان أشبه بالعرش بتاع الملوك وقال "انا قررت قرار " نطق ياسر بسرعه "انت تؤمر يا بوي" نطق الحاج ياسين وقال "انا قررت اجوز ابنك مصطفى لبنت بدر الكبيره نواره" هنا كانت الصدمه اللى وقعت على مصطفى وخلاته يقف بسرعه ويقول "نعم ايه اللى انت بتقوله ده يا جدي انت عايزني اتجوز عيله ده انا اكبر منها بست سنين دي كانت متربيه على إيدي انا يستحيل اتجوزها" وقف ياسين بسرعه وهوا بيقول "انت عتخالف كلامي يا ولد ياسر والله عال.. فهم ابنك يا ياسر ان دخلته الخميس الجاي على نواره" انصدم الكل من كلام ياسين.. ووقف سليم وقال "نورت الثرايه يا ولد عمي" وبعدها خرج ووراه اخوه التوأم ليث ووراهم بدر ومفضلش غير ياسر ومصطفى وعز اخو مصطفى الصغير... وقف ياسر وقال بحده "انت الزاي تكلم جدك بالطريقه دي انت اتجننت خلاص معدش عندك احترام لحد " كان هيتكلم مصطفى بس قاطعه ياسر وقال "اللى قاله الكبير هيتنفذ وهتتجوز نواره بنت عمك احنا معندناش حريم تتجوز من بره العيله والواد بيتجوز بنت عمه " رد مصطفى بسرعه "بس يا بابا نواره عيله صغيره" رد ياسر بغيظ منه "فوق يا مصطفى وافتكر ان العيله دي بقى عندها 27 سنه دلوقتي ومعدتش البنت اللى كنت تلاعبها وهيا صغيره وانت كمان بقا لازم تتجوز انت عندك 33 سنه " قعد مصطفى وهوا بيبص لضهر بباه وبيفكر في كلامه فهوا فعلا لسه شايف نواره بنت 15 سنه زي آخر مره شافها ومر 12سنه على آخر لقاء ليهم أكيد كبرت بس بردك مش عاجبه الطريقه اللى قال جده عليها فهوا مبيحبش الأوامر... وقف عز ومصطفى وخرجوا وراحوا يرتاحوا وقاموا على الساعه تسعه ونزلوا لقوا العشا اطحت ولقا كل الستات قاعده وكمان الرجاله في أماكنهم الخاصه بس ملقاش نواره اللى المفروض هتبقى حرمه المصون... بص مصطفى ناحية الكبير لقى كرسي فاضي على اليمين كان هيقعد عليه بس الكبير نطق بهدوء وقال "ده كرسي نواره كرسيك جمب أبوك هناك" حس مصطفى بان جده زعلان منه وخصوصا انه مكلمهوش في السنين 12 اللى فاتت دي غير تقريبا بتاع 20 او 24 مره بس وبعد غياب 12 سنه يتصرف كده معاه... قرب مصطفى من جده وباس راسه وقاله"حقك عليا يا جدي آسف واللى تؤمره هيكون" قالها وبعدها راح قعد جمب أبوه وبدئوا بالأكل وبعد 10 دقايق سمعوا صوت عالى بيقول "يا مري خيانه قدام عيني" بص ياسر ومصطفى وعز وريم اخت مصطفى الصغيره ولقوها بنت واقفه على الباب وشايله شنطه وكان شكلها في العشرينات شبه ريم... ضحكت كل العيله عليها ونطق ليث بابتسامه واسعه "تعالي يا قلب أخوكى مكانك محفوظ" جريت ورد عليه وقعدت جمبه بعد ما حطت شنطتها على الأرض وبدئت تاكل وعز مشالش عينه من عليها من ساعة ما دخلت وده لاحظه ليث واللى كان متضايق وكان شويه وهيقوم يضربه بس قاطع تفكيره لما نطقت ورد وقالت "هيا فين نواره يا ليث وكمان مين حضراتهم" رد ليث "نواره مع فهد بره ودول يبقوا عمك ياسر وولاده يا حبيبتي " بصت ورد ليهم وقالت "اتشرفت بمعرفتكم يا جماعه انا ورد " نطق عز بسرعه وعينه لسه عليها وقال "وانا عز ابن عمك" كانت ورد هتنطق بس لقت سليم بيتكلم ويقول بهدوء "ورد يا حبيبتي انا عارف انك تعبانه اطلعي لفوق وانا هقولهم يجيبولك الوكل على اوضتك" قامت ورد وباست خد سليم وقالتله "تصدق انك عسل والله " قالتها وشالت شنطتها وطلعت على فوق بعد ما راحت باست ايد جدها وأبوها وباست راس ثريه مامتها.. ومكنتش ملاحظه النظرات الناريه اللى كانت طالعه من عز واللى كان بيبص بيها لسليم بعد ما باسته ورد بس سليم كان بيبادله ببرود اما ليث فكان مستني بس يقوم يشوه وشه عشان هوا عارف النظرات دي معناها ايه وهوا اكيد مش هيسمح ان عز ده يقرب من اخته الصغيره... 5 دقايق ولقوا فهد داخل وشايل في ايده ابنه الصغير اللى عنده 3 سنين ونص واللى اسمه يزيد وراح على السفره ويزيد راح عند مامته جميله وقال "ماما هيا فين نواره" رد مصطفى وقال "والله يا ابني انا كنت لسه هسأل السؤال ده اصل اللى اعرفه انها كانت مع اخوها فهد ودلوقتي داخل من غيرها" ضحك فهد على صاحبه وقال "لا هوا ميقصدش خيتى هوا يقصد خيته الكبيره "
بص مصطفى ليه بصدمه وقال "انت مخلف 2 رد فهد وهو بيروح يسلم عليه ويحضنه"ايوه مخلف 2 بنتي نواره الصغيره 5 سنين ويزيد ده 3 ونص.. انت ناسي اني متجوز من 6 سنين والا ايه.. والا انت هتفتكر الزاى وانت مجتش الفرح" مردش مصطفى شويه وبعدها قال "طب بردك مرديتش على سؤالى فين نواره الكبيره" راح فهد وقعد جمب جميله اللى كانت بتأكل يزيد وقال"نواره مشغوله هتتأخر شوي برا البيت".. رد مصطفى بغيظ وغضب "وهيا الآنسه نواره من عوايدها تتأخر اكده بره البيت " بصله جده وبعدها قام فهوا عارف ان مصطفى عايز يعِيب في نواره وده خلى ليث كمان يقوم عشان مينفجرش في وشه اما الباقى تغاضوا عن الأمر وكملوا اكلهم... بعد شويه كانوا خلصوا وقاموا وكانوا قاعدين في الصالون وبعدها لقوا بنت آيه في الجمال نازله من على السلم وهيا بتفرك عينها وكانت دي نواره الصغيره بنت فهد... اول ما يزيد شافها جري عليها وقالها "نور شوفي انا جبتلك شوكولاته"
ضحكت نواره وحضنت يزيد وبعدها قالت "تعالى نتفرج على كرتون توم و جيرى لحد ما تيجي نواره" قالتها ومسكت إيده وطلعت لفوق على أوضة نواره واللى غير مسموح لحد يدخلها من غير إذنها غير العيال دول...
مر الوقت والكل طلع على أوضته وبقت الساعه واحده ونزل مصطفى لتحت عشان يجيب مايه والمكان كان ضلمه بس بعدها لاحظ ضل اسود بيتحرك فراح ناحيته وكان مفكره حرامي وحط إيده على كتف الشخص ده من وره وقبل ما يقدر يعمل حاجه لقى الشخص الملثم ده ماسك ايده ومشقلبه ورميه على الأرض وبعدها لوى دراعه ونطق بصوت انثوي "انت مين وايه اللى جابك اهنه شكلك معارفش انت دخلت بيت مين" قام الكل على الصوت وجه سليم وشغل النور ولقى نواره موقعه مصطفى ولَويه دراعه وكانت زي ما هيا لافه كل وشها بالشال الإسود ما عدا عنيها وده اللى خلى مصطفى يبص ليها كتير ومكنش مركز لحد ما جه الكبير وقال "سبيه يا نواره ده مصطفى ابن عمك" سابته نواره ووقفت تاني وبصت على الكل ولاحظت عمها وولاده فقالت "آسفه يا جدي ملاحظتش آسفه يا ولد عمي" قالتها وبعدها راحت سلمت على عمها وبعدها باست إيد جدها وكانت طالعه بس قاطعها كلام مصطفى اللى قال "هوا في بنت محترمه ترجع البيت الساعه 1 بالليل" بصتله نواره ونطقت وهيا لسه مشالتش الوشاح وقالت "ده احسن مرجع الساعه 3 الفجر البيت سكرانه" انصدم مصطفى فنعم كانت نواره عارفه انه بيشرب.. اما الباقيين مكانوش فاهمين هيا قصدها عليه والا ده كان مجرد مثال والا ايه بالظبط...
ـــــــــــــــــــــــــــــــــــــــــــــــــــــــــ
اتمنى يكون عجبكم الفصل الأول
على فكره انا بقبل بالنقد البناء فلو حد عنده ملاحظه على كتابتي يا ريت يبعتلي عشان اعرف احسنها
أنت تقرأ
نواره الصعيد
Humorنواره بدر ياسين الجبلاوي كبير النجع في الصعيد الدراع اليمين لجدها شخصيتها قويه والكل يهابها كل حياتها كانت ماشيه تمام لحد ما قرر جدها يجوزها لإبن عمها وهنا بتبدأ الأحداث .. .. .. دي روايتي الأولى فأتمنى تعذروني في الأغلاط الإملائيه ... الرواية من...
