(Unicode)
ယွန်းဂျီအဖြစ်အလုပ်ဆင်းရမယ့် ပထမဆုံးနေ့မို့ ယွန်းဂီစိတ်လှုပ်ရှားနေမိတယ်...။ သူဘယ်လိုပဲ ယွန်းဂျီနဲ့တူနေပါစေ ယွန်းဂျီလို စမတ်ကျကျဖြစ်ဖို့အတွက်တော့ အများကြီးကြိုးစားနေရတယ်...။
ကိုယ်လုံးပေါ်မှန်ရှေ့မှာမြင်နေရတဲ့ သူ့ပုံရိပ်လေးက အရမ်းလှပနေတာမှန်ပေမယ့် မျက်လုံးလေးတွေကတော့ စိတ်လှုပ်ရှားနေမှုကိုဖော်ပြနေတယ်...။ သူလုပ်နိုင်မှဖြစ်မယ်...။ ဒါမှ ညီမလေးအတွက် တရားမျှတမှုကို ရှာပေးနိုင်မှာလေ...။
"မင်ယွန်းဂီ... မင်းသေချာပေါက်လုပ်ရမယ်... Fighting...!!!"
ကိုယ့်ကိုကိုယ်အားပေးလိုက်ပြီးတော့မှ ယွန်းဂီလည်း ဒေါက်ဖိနပ်အမြင့်လေးကိုစီးလိုက်ရင်း အိမ်ထဲကနေထွက်လာခဲ့လိုက်တယ်...။ ဒေါက်ဖိနပ်စီးတာကိုတော့ ဆော့ဂျင်ရဲ့အိမ်မှာကတည်းက လေ့ကျင့်ပြီးသားမို့ အခက်အခဲသိပ်မရှိပါ...။
ဒါပေမယ့်လည်း ယွန်းဂျီလို မိမိကိုယ်ကိုယုံကြည်မှုရှိတဲ့ မိန်းကလေးတစ်ယောက်ပုံစံ ဖြစ်မနေဘဲနဲ့ စိတ်လှုပ်ရှားမှုကြောင့် အတန်ငယ်ရှပ်တီးရှပ်ပြာဖြစ်နေတဲ့ မိန်းကလေးပုံစံသာ ဖြစ်လို့နေတော့တယ်...။
"ဟူး...စိတ်လျော့ စိတ်လျော့"
ဓာတ်လှေကားထဲရောက်တော့ ကိုယ်တစ်ယောက်တည်းရှိတာကြောင့် ကိုယ့်ရင်ဘက်ကိုယ်ဖိကာ အားတင်းထားရင်းနဲ့ အထပ်နံပါတ်တွေကိုဖော်ပြနေတဲ့ မီးနီလေးကို ငေးစိုက်ကြည့်နေလိုက်တယ်...။ ကားပါကင်ကိုရောက်သွားတော့ ကားသော့လေးကိုကိုင်ကာ ယွန်းဂျီရဲ့ကားလေး ရပ်ထားတဲ့နေရာကို ခပ်မှန်မှန်လေး လျှောက်သွားလိုက်တယ်...။
စိတ်တည်ငြိမ်စပြုသွားပြီမို့ ယွန်းဂီရဲ့အပြုအမူနဲ့ ခြေလှမ်းတွေက ခပ်မှန်မှန်လေးဖြစ်နေတော့တယ်...။ ယွန်းဂျီလောက် မထက်မြက်ရင်တောင် သူကလည်း စေ့စပ်သေချာတဲ့ ယောင်္ကျားလေးတစ်ယောက်ဆိုတော့ ကိုယ့်ကိုကိုယ် ဆင်ခြင်ထိန်းချုပ်နိုင်ခဲ့တယ်...။
ကားသော့ကိုရီမုဒ်နဲ့ဖွင့်ပြီး အထဲကိုဝင်ထိုင်လိုက်ပြီးတဲ့နောက် လက်ထဲမှာပါလာတဲ့ အလုပ်နဲ့ပတ်သတ်တဲ့ဖိုင်တွေကို ဘေးခုံမှာတင်ထားလိုက်တယ်...။ ကိုယ်ကိုခပ်မတ်မတ်ထိုင်ရင်း ခါးပတ်လေးကိုယူပတ်ကာ ကားစက်ကိုစနှိုးလိုက်တယ်...။
YOU ARE READING
My Little Sister {Completed}
Fanfictionညီမေလး သိတယ္မဟုတ္လား...?? ဒီကမာၻေပၚမွာ အေဖနဲ႔အေမၿပီးရင္... ကိုကိုအခ်စ္ဆံုးက ညီမေလးပဲဆိုတာကိုေပါ့။ Yoonjin x Yoonseok ညီမလေး သိတယ်မဟုတ်လား...?? ဒီကမ္ဘာပေါ်မှာ အဖေနဲ့အမေပြီးရင်... ကိုကိုအချစ်ဆုံးက ညီမလေးပဲဆိုတာကိုပေါ့။ Written By : JaejoongHtike
