(Unicode)
မနက်ခင်းမှာ အကျင့်ပါနေတဲ့မျက်လုံးတွေက အလိုလိုနှိုးထလာခဲ့ပြီး ဆော့ဂျင်လည်း အလုပ်သွားဖို့စတင်ပြင်ဆင်ရတော့တယ်...။ အရင်ကဆို စက်ရုပ်တစ်ရုပ်လို လုပ်ကိုင်နေခဲ့ပေမယ့် ခုကျတော့မတူညီတော့ပေ...။
ထမင်းစားခန်းမှာစောင့်ကြိုနေမယ့် တစ်စုံတစ်ယောက်ကို တွေးကြည့်လိုက်တာနဲ့တင် ဆော့ဂျင်ရင်ခုန်နေမိတယ်...။ ကိုယ့်အသက်အရွယ်က သစ်ရွက်လှုပ်တိုင်းရင်ခုန်တတ်တဲ့ ဆယ်ကျော်သက်လေး မဟုတ်တော့ပေမယ့် ယွန်းဂီနဲ့တွေ့ရင်တော့ သိသိသာသာကို ရင်ခုန်တတ်နေခဲ့တယ်...။ အခက်သားပါလားနော်...။
စိတ်လောနေတာကြောင့် နက်ခ်တိုင်ကိုလည်းမစည်းမိဘဲ ထမင်းစားခန်းဆီကိုသာ ဆော့ဂျင်အပြေးလေးဆင်းလာမိတယ်...။ မနက်စာပြင်ဆင်နေတဲ့ ယွန်းဂီကိုတွေ့လိုက်ရတော့မှ သူ့ရဲ့မနက်ခင်းက ပြည့်စုံသွားသလိုခံစားရတော့တယ်...။
"မောနင်း ယွန်းဂီ"
"ဟုတ်ကဲ့ မောနင်းပါ သူဌေး"
ယွန်းဂီရဲ့အပြုံးလေးတွေကိုမြင်ရတဲ့အခါ မနက်ခင်းက ပိုပြီးအဓိပ္ပာယ်ရှိသွားခဲ့တယ်...။ ခုံမှာဝင်ထိုင်လိုက်တော့ ယွန်းဂီက သူ့ရှေ့ကိုပန်းကန်ပြားတစ်ချပ် လာချပေးတယ်...။ ပန်ကိတ်တွေကို ထောပတ်လေးတင်ကာ ပျားရည်တချို့စမ်းထားတဲ့အပြင် ဘယ်ရီသီးတချို့ကိုလည်း ဘေးမှာအလှဆင်ထားသေးတာကြောင့် တကယ့်ကိုစားချင်စဖွယ်ပင်...။
"ယွန်းဂီက အမေရိကန်စတိုင်မနက်စာလည်း လုပ်တတ်တာပဲလား"
"တကယ်တော့ ဗီဒီယိုတွေကြည့်ပြီး ကျွန်တော်စမ်းလုပ်ကြည့်တာပါ... သူဌေးတွေက မနက်စာကို ထမင်းစားတာထက် ခုလိုလေးစားရတာ ပိုကြိုက်ကြတယ်ဆိုလို့"
"ကိုယ်ကတော့ ယွန်းဂီလက်ရာဆို ဘယ်လိုနေနေသဘောကျတယ်"
ဆော့ဂျင်ရဲ့အပြောကြောင့် ယွန်းဂီရဲ့ပါးမို့မို့လေးနှစ်ဖက်ဟာ နှင်းဆီရောင်လေး ပြေးသွားခဲ့တယ်...။ ရုပ်ချောပြီးသဘောကောင်းတဲ့ သူဌေးဆော့ဂျင်ကြောင့် ယွန်းဂီရဲ့နှလုံးသားလေးလည်း လှုပ်ရှားနေခဲ့တယ်...။ တသ်ခါတလေ မိမိကိုယ်ကို မိန်းကလေးတစ်ယောက်လို တွေးထင်မိလာတဲ့အထိပင်...။
VOCÊ ESTÁ LENDO
My Little Sister {Completed}
Fanficညီမေလး သိတယ္မဟုတ္လား...?? ဒီကမာၻေပၚမွာ အေဖနဲ႔အေမၿပီးရင္... ကိုကိုအခ်စ္ဆံုးက ညီမေလးပဲဆိုတာကိုေပါ့။ Yoonjin x Yoonseok ညီမလေး သိတယ်မဟုတ်လား...?? ဒီကမ္ဘာပေါ်မှာ အဖေနဲ့အမေပြီးရင်... ကိုကိုအချစ်ဆုံးက ညီမလေးပဲဆိုတာကိုပေါ့။ Written By : JaejoongHtike
