(Unicode)
" သူဌေး ဒါလေးတွေလက်မှတ်ထိုးပေးပါဦးနော်...."
" ဘာ သူဌေးလဲ ကိုကိုလို့ခေါ်ဖို့ပြောထားတာကို...."
" ကုမ္ပဏီမှာလေ သူဌေးရဲ့...."
သူတို့နှစ်ယောက်သာရှိတဲ့ ရုံးခန်းထဲမှာကို အရှက်သည်းနေပြန်တဲ့ ယွန်းဂီရဲ့လက်ကို ဆော့ဂျင် လှမ်းကိုင်လိုက်တယ်တော့ Yoongi ကတွန်းဖယ်ခြင်းမပြုပဲ လက်ခံလေတယ်...။
" ဒီရုံးခန်းထဲမှာ ကိုယ်တို့နှစ်ယောက်တည်းရှိတာလေ ယွန်းဂီရဲ့...."
ကိုင်ထားတဲ့လက်လေးကို နမ်းကာ ဆော့ဂျင်ပြောလိုက်တော့ ယွန်းဂီရဲ့ပါးလေးနှစ်ဖက်က ရဲတက်လာလေတယ်....။ သိပ်ကိုရှက်တတ်တဲ့ ကောင်လေးရဲ့ပါးကို ဆော့ဂျင် စိတ်ရှိလက်ရှိညှစ်ပစ်လိုက်ချင်မိတယ်...။
" ဟုတ်ပါပြီ ကိုကိုရယ်... ဒါလေးအမြန်လက်မှတ်ထိုးပေးနော်... ကျွန်တော် အလုပ်ရှိသေးတယ်..."
" အင်း ထိုးပေးမယ်... ကိုယ့်ကိုနမ်းရင် "
ပါးတစ်ဖက်ထိုးပေးပြီး အကြပ်ကိုင်နေတဲ့ ဆော့ဂျင်ကြောင့် ယွန်းဂီရယ်ချင်မိသွားတယ်....။ အရင်က တည်ကြည်တဲ့ကိုကိုဟာ အခုကျတော့ ကလေးလေးလိုပင် ဖြစ်နေလေတယ်....။
" ကိုကိုကလည်း... တစ်ယောက်ယောက်ဝင်လာရင် ဘယ်လိုလုပ်မလဲ...."
" တစ်ယောက်ယောက်လာရင် တံခါးခေါက်မှာပေါ့ ယွန်းဂီရဲ့... ဘယ်သူက ကိုယ့်ရုံးခန်းထဲ ဒီအတိုင်းဝင်လာရဲမှာလဲ..."
အကျိုးအကြောင်း ဆီလျော်စွာပြောနေတဲ့ ကိုကိုကြောင့် ယွန်းဂီကပဲလက်လျှော့ပြီး ကိုကို့ပါးကိုနမ်းလိုက်တယ်....။
" ကဲ ရော့... နေ့လည်စာဘာစားချင်လဲ... ကိုယ်ကြိုမှာထားမလို့...."
" ကျွန်တော်က ဘာပဲဖြစ်ဖြစ်ရပါတယ်... ကိုကို ကြိုက်တာပဲစားပါ...."
" အိုကေ ဒါဆို ကိုယ်စားကောင်းတဲ့ဆိုင်လေးရှာထားလိုက်မယ်...."
" ဟုတ်...."
ဖိုင်တွဲလေးကိုယူကာ အခန်းထဲကနေ ယွန်းဂီထွက်သွားတော့မှ ဆော့ဂျင် ဖုန်းကိုထုတ်ပြီး ကုမ္ပဏီနဲ့သိပ်မဝေးတဲ့ဆိုင်တွေထဲကမှ စားကောင်းမယ့် ဆိုင်ကိုရှာလိုက်မိတယ်...။
YOU ARE READING
My Little Sister {Completed}
Fanfictionညီမေလး သိတယ္မဟုတ္လား...?? ဒီကမာၻေပၚမွာ အေဖနဲ႔အေမၿပီးရင္... ကိုကိုအခ်စ္ဆံုးက ညီမေလးပဲဆိုတာကိုေပါ့။ Yoonjin x Yoonseok ညီမလေး သိတယ်မဟုတ်လား...?? ဒီကမ္ဘာပေါ်မှာ အဖေနဲ့အမေပြီးရင်... ကိုကိုအချစ်ဆုံးက ညီမလေးပဲဆိုတာကိုပေါ့။ Written By : JaejoongHtike
