(Unicode)
ဆော့ဂျင်ဆေးရုံကိုထပ်ရောက်လာတော့ ယွန်းဂျီရဲ့ဘေးမှာ ဟိုဆော့က ရှိနေပြန်တယ်...။ ယွန်းဂီကိုမေးကြည့်တော့ ဟိုဆော့က သူတို့မောင်နှမအတွက် သူငယ်ချင်းကောင်းဆိုတာကြောင့် ဆော့ဂျင်လည်း အလိုက်သင့်ပဲဆက်ဆံလိုက်တယ်...။
"မင်း ဒီမှာတချိန်လုံးရှိနေတာလား...?? အိမ်မပြန်ဘူးလား...??"
"ကျွန်တော့်အိမ်ကလဲ ဒယ်ဂူမှာပဲလေ.. ဆိုးလ်မှာက အဒေါ်အိမ်ရှိပေမယ့် အခုလာတာက ယွန်းဂျီကိုလာတွေ့တာဆိုတော့..."
ဆော့ဂျင်လည်း ခေါင်းသာညိတ်ပြလိုက်ပြီး ဆရာဝန်တွေကို ယွန်းဂျီရဲ့အခြေအနေကိုမေးမြန်းကြည့်တော့ ထူးခြားမှုမရှိဘူးဆိုတာကြောင့် သက်ပြင်းချလိုက်မိတယ်...။ ထိုအခိုက် သူ့ဘေးနားကို ချဉ်းကပ်လာတဲ့ ဟိုဆော့ကြောင့် လှည့်ကြည့်လိုက်တယ်...။
"ဟိုလေ ယွန်းဂီက အစ်ကိုရဲ့အိမ်မှာဆို... သူလဲ သူ့ညီမလေးကို အချိန်ပြည့်လာမကြည့်နိုင်လို့ စိတ်ပူနေမှာပဲ... အဲ့ဒါကျွန်တော်က ယွန်းဂျီကိုစောင့်ရှောက်ပေးထားလို့ရမလား"
"........."
"ယွန်းဂျီရဲ့အခြေအနေက စိတ်မချရသေးသလို လုပ်ကြံချင်တဲ့သူတွေလဲရှိနေတော့ အစ်ကိုရော ယွန်းဂီရောက အချိန်ပြည့်မကြည့်ပေးနိုင်တော့ ကျွန်တော်ကပဲ...."
"မင်းကိုရော ဘယ်လိုယုံကြည်ရမလဲ...??"
ဆော့ဂျင်ရဲ့အမေးကြောင့် ကောင်ငယ်လေးဟာ ဖြူစင်စွာမော့ကြည့်လာခဲ့တယ်...။ သူ့မျက်လုံးတွေက ပကတိကြည်လင်နေပြီး ရိုးသားဖြောင့်မတ်မှုကို ပေါ်လွင်နေပေမယ့်လည်း ဆော့ဂျင်အနေနဲ့ အခုအခြေအနေမှာ ဘယ်သူ့ကိုမှမယုံချင်ပါ...။
"ကျွန်တော်ကျိန်ပြောရဲပါတယ်... ကျွန်တော်က ယွန်းဂျီကိုဒုက္ခပေးမယ့်သူ မဟုတ်ပါဘူး... တကယ့်စိတ်ရင်းနဲ့ သူ့ကိုစောင့်ရှောက်ချင်တာပါ"
"မင်းကို ယွန်းဂီက ဘာပြောထားသေးလဲ...??"
"ယွန်းဂီက လောလောဆယ်မှာ ယွန်းဂျီရဲ့အလုပ်တွေကို လုပ်ပေးဖို့အတွက် သင်ယူနေတယ်ဆို... သူအဲ့လိုပဲပြောတယ်"
VOCÊ ESTÁ LENDO
My Little Sister {Completed}
Fanficညီမေလး သိတယ္မဟုတ္လား...?? ဒီကမာၻေပၚမွာ အေဖနဲ႔အေမၿပီးရင္... ကိုကိုအခ်စ္ဆံုးက ညီမေလးပဲဆိုတာကိုေပါ့။ Yoonjin x Yoonseok ညီမလေး သိတယ်မဟုတ်လား...?? ဒီကမ္ဘာပေါ်မှာ အဖေနဲ့အမေပြီးရင်... ကိုကိုအချစ်ဆုံးက ညီမလေးပဲဆိုတာကိုပေါ့။ Written By : JaejoongHtike
